Düynanın texnologiya nəhənglərindən biri hesab olunan Samsung, bu ilin birinci rübündə olan maliyyə hesabatını təqdim edib. Rəsmi olaraq təqdim edilən hesabatın nəticəsində məlum olub ki, Samsung şirkətinin gəlirləri bu ilin birinci rübündə rekord səviyyədə azalıb. Belə ki, şirkətin əməliyyat gəlirləri ilin birinci rübündə 95% azalıb. Qeyd edək ki, şirkət bir neçə həftə əvvəl ilin birinci rübündə gəlirlərinin azalacağını gözlədiklərini açıqlamışdı. Şirkətin gəlirlərinin azalmasına əsas səbəb isə yaddaş çiplərinin qiymətlərinin xeyli aşağı düşməsi olub. Belə ki, qlobal bazarda bu çiplərin dəyəri tələb azaldığı üçün xeyli aşağı düşüb. Texnologiya nəhəngi bu ilin birinci rübündə sadəcə 477 milyon dollar əməliyyat gəliri və 47.5 milyard dollar mənfəət əldə etdiyini açıqlayıb. Həmçinin bu ilin birinci rübündə əməliyyat zərəri də artaraq 3.4 milyard dollar təşkil edib.
Samsung şirkətinin gəlirləri ilin ikinci rübündə artacaqmı?
Bu ilin birinci rübündə Samsung şirkətinin gəlirləri rekord səviyyədə azalsa da, texnologiya nəhəngi gələcəkdə daha çox gəlir əldə edəcəyini gözləyir. Qeyd etmək lazımdır ki, ümumi mənfəət itkisinə baxmayaraq şirkətin mobil bölməsi ilin birinci rübündə kifayət qədər yaxşı performans göstərib. Belə ki, şirkətin bölməsi 23.7 milyard dollar mənfəət və 2.9 milyard dollar əməliyyat gəliri əldə edib. Bu isə keçən il ilə müqayisədə 12% artım deməkdir.
Samsung bildirir ki, smartfon tələbatı ümumi olaraq aşağı olsa da, premium cihazalara tələbat ildən-ilə artır. Belə ki, mobil bölmənin yaxşı nəticə göstərməsinin səbəblərindən biri də məhz yeni təqdim edilmiş Galaxy S23 seriyasıdır. Hətta şirkət ilin ikinci yarısında təqdim ediləcək yeni smartfonların bu gəlirləri daha da artıracağını düşünür.
