Pandemiyanın zərərləri hələdə davam edir. Belə ki, Google, Meta və Microsoft kimi böyük texnologiya şirkətlərində kütləvi ixtisarlar baş verir. Lakin Google, Meta və Microsoft kimi şirkətlərin CEO-ları öz dəbdəbəli həyatlarına davam edirlər. Qeyd edək ki, araşdırma nəticəsində məlum olub ki, Google şirkətinin baş icraçı direktoru olan Sundar Pichai ixtisarlara baxmayaraq işçilərindən 800 dəfə çox qazanır. Bu hal isə niyə görə direktorun gəlirlərinin azalmadığı sualına gətirib çıxarır. Əslində sualın cavabı aydındır. Belə ki, Google şirkətinin CEO-su öz gəlirlərinin azalmaması üçün bacardığı qədər çox işçisini işdən çıxarır. Pichai-nin 12 min işçini işdən çıxarmaq qərarı bu sualın cavabını bir daha təsdiqləyir.
Ümumiyyətlə sadaladığımız böyük şirkətlərdəki ixtisarların ən başlıca səbəbi pandemiya zamanı nəzarətsiz olaraq işçilərin qəbul edilməsi oldu. Nəticədə isə Google və digər şirkətlər işçilərin xərclərini qarşılaya bilmədiyi üçün ixtisarlar etmək məcburiyyətində qaldı. Hətta nəhəng texnologiya şirkəti işçilərinə macbook verməyi, onların qida məsrəflərini qarşılamağı da dayandırıb. Maraqlısı budur ki, bütün bu hallar baş verərkən Google CEO-nun gəlirləri azalmır. Belə ki, ötən il Google şirkətinin baş icraçı direktoru olan Sundar Pichai 226 milyon dollar qazanıb.
Əslində isə problemin həlli çox sadədir. Belə ki, Apple şirkəti də pandemiyadan sonra bəzi maliyyə problemləri ilə qarşılaşsa da heçbir ixtisara getməmişdi. Buna sabəb isə Apple CEO-su olan Tim Cook-un işçilər ilə birgə mübarizə aparması idi. Belə ki, Tim Cook öz maaşını 40% azaldaraq və işə qəbul proseslərini təxirə salaraq bütün problemlərin öhdəsindən gəlmişdi.
