Son vaxtlar ChatGPT xəbərləri demək olar ki, hər yerdə qarşımıza çıxır. İnsanların çoxu ChatGPT-dən düzgün şəkildə istifadə etsə də çoxları öz mənafeyi üçün istifadə etmək meylindədir. Bununla bağlı Jailbreaks yaradıcıları tərəfindən süni intellektə qoyulmuş qadağalardan yan keçməyə imkan verən sayt hazırlanıb.
Belə ki, Siz ChatGPT çatbotuna istənilən sual verə bilərsiniz, lakin hamısına cavab almayacaqsınız. Jailbreaks yaradıcıları tərəfindən yaradılan veb saytda, həm çatbotu aldatmaq üçün öz üsullarını, həm də Reddit və digər resurslarda tapılan oxşar həlləri dərc etməyə başlayıblar. Nəticədə bu imkan süni intellektdən istifadənin hədlərini keçməyə və onların qoruyucu sistemlərində məxfi məlumat əldə etməyə imkan verən zəif cəhətləri müəyyən etməyə imkan verir.
Mütəxəssislər vurğulayırlar ki, bəzən bir sistemdə işləyən üsullar digər sistemdə faydasız ola bilər. Təhlükəsizlik sistemləri daim təkmilləşdirilir və istifadəçilər üçün limitlər daha da təkmilləşir. Tərtibatçıların fikrincə bu cür fəaliyyət video oyununa bənzəyir məhdudiyyətlərin hər birini aradan qaldırmaq yeni səviyyəyə keçmək kimidir.
Cəmi bir neçə ay ərzində ChatGPT artıq milyonlarla istifadəçi əldə edib və bu gün bot müxtəlif tapşırıqlar üçün istifadə olunur. Məlumat axtarmaq və ya ev tapşırıqlarını yerinə yetirməkdən tutmuş zərərli kodların yazılmasına qədər.
Üstəlik, insanlar restoranlarda bilet və ya masa sifariş etmək kimi real problemləri həll etmək üçün artıq bu vasitələrdən istifadə edirlər. Gələcəkdə süni intellektin əhatə dairəsi daha da genişlənəcək. Bəzi məlumatlara görə, OpenAI sistemdə zəif cəhətləri axtaracaq və bunun üçün mükafat alacaq ağ papaqlı xakerlər proqramların tətbiqini nəzərdən keçirir.
