Samsung Galaxy S23, Samsung Galaxy S23+ və Samsung Galaxy S23 Ultra modellərindən ibarət Galaxy S23 seriyası 1 fevralda təqdim olunmuşdu. O vaxtdan bəri şirkət bir neçə başqa smartfon təqdim etdi və ilin sonuna qədərdə daha bir neçə smartfonun təqdim ediləcəyi gözlənilir. İndi Cənubi Koreya texnoloji nəhənginin S24 seriyasının da 2024-cü ildə üç yeni flaqman telefonu ilə təqdim ediləcəyi gözlənilir.
SamLover ləqəbli insayderin iddialarına görə, Samsung Galaxy S24 Ultra modeli Galaxy S23 Ultra modelindən fərqli olaraq maksimum 120Hz yeniləmə tezliyini deyil 144Hz yeniləmə tezliyinə malik ekran paneli ilə təhciz ediləcək. Galaxy S24 Ultra potensial olaraq daha hamar dizayn və oyun təcrübəsi təklif edəcək, bu da onu 144Hz ekrana malik ilk Samsung cihazı halına gətirir.
Galaxy S24 seriyası üçün digər spesifikasiyalar da sızdırılıb. Bu modellər Qualcomm şirkətinin buraxılmamış Snapdragon 8 Gen 3 çipseti ilə təchiz olunacaq. Yaddaş tərəfində isə bizləri UFS 4.1 texnologiyası qarşılaya bilər. Onların Android 14 əsaslı One UI 6.0 ilə gələcəyi gözlənilir. Kamera bölmələri qeyri-müəyyən təkmilləşdirmələrə və təkmilləşdirilmiş böyütmə imkanlarına malik 200MP sensorla davam edə bilər.
Kamera tərəfində əsas təkmilləşdirmə 4-cü nəsil periskopik kamera tərəfində göstərəcək. Smartfona F/2.5 və F/9 diafraqma aralığına malik olduqca geniş diapazonlu aktiv obyektiv işlədiləcək. Rəqəmsal yaxınlaşdırma isə 150x səviyyələrinə yüksələ biləcək.
Həmçinin sızıntılara görə Samsung Galaxy S24 seriyası son vaxtlar bəzi flaqman smartfonlarda gördüyümüz peyk bağlantısına da malik olacaq. Samsung tərəfindən Galaxy S24 seriyası ilə bağlı rəsmi açıqlama verilmədiyi üçün bütün bu sızmalar və spesifikasiyalara yanlış çıxa bilər.
