ChatGPT keçən ilin son aylarında buraxılsa da, bir neçə ay ərzində çox şeyi dəyişdi və dəyişməyə davam edir. Çünki bu dəfə ChatGPT 1984-cü ildən qalma IBM 5155 Portativ kompüterində işlədilib. Proqram tərtibatçıları işlərini asanlaşdırmaq üçün GPT dil modelindən bir çox yerlərdə istifadə edirlər. Yeo Kheng Meng adlı bir tərtibatçı bu dəfə ChatGPT-dən işlərini asanlaşırmaq üçün istifadə etməyib. Adını çəkdiyimiz tərtibatçı ChatGPT çatbotunu MS-DOS əməliyyat sistemində işlədərək Retro kompüterin süni intellekt ilə necə yenidən super-gücə çevrilə biləcəyini göstərib.
ChatGPT ilə işləyən 40 yaşlı IBM 5155 Portativ kompüteri köhnə elmi fantastika filmlərindəki süni intellekt kompüterinə bənzəyir. Onu da qeyd etmək lazımdır ki, tərtibatçının belə retro texnologiyalarına böyük marağı var. Bu səbəbdən onun ChatGPT çatbotunu DOS-a gətirib. Yeri gəlmişkən, IBM 5155 portativ kompüterin sistem xüsusiyyətləri aşağıdakılardır.
- Intel 8088 4.77Mhz prosessor
- 640KB (təkmilləşdirmə dəsti)
- CGA ISA qrafik adapteri
- NE2000 uyğun ISA Ethernet adapteri
- XT-IDE ISA drayver nəzarətçisi
- MS-DOS 6.22
ChatGPT-ni özünüz belə köhnə kompüterinizdə işə salmaq istəyirsinizsə, Meng-in mənbə kodunu GitHub-dan yükləyə bilərsiniz.
Eyni zamanda, tərtibatçı qeyd edir ki, MS-DOS sistemi prosesdə əlavə çətinliklərlə üzləşirdi, çünki onun yerli olaraq şəbəkə funksiyaları yox idi. O, DOS üçün ChatGPT yaratmağın da çətin olduğunu, lakin bundan əlavə, prosesin çox əyləncəli olduğunu bildirir. Yuxarıdakı videodan DOS üzərindən ChatGPT söhbətinə baxa bilərsiniz.
