Şəhər içində hərəkət etmək üçün bütün nəqliyyat vasitələri eyni üstünlüyə sahib deyillər. Bəzi avtomobillər yüksək yanacaq sərfiyyatı ilə çətinlik yaradır. Bəzi avtomobillər isə ölçüsünün böyük olması səbəbilə problemlərə səbəb olur. Lakin təqdim edilmiş Nissan Sakura modeli tam olaraq bu problemləri həll etməyi özünə məqsəd qoyub.
Sakura tipli avtomobillər illərdir nəqliyyatin sıx olduğu ölkələrdə sevilərək istifadə olunur. Əsasən Yaponiyada ən çox satılan bu sinif avtomobillər “kei” olaraq adlandırılır. Nissan tərəfindən təqdim olunmuş bu modelin üstünlüyü isə “kei” sinfinə aid ilk elektromobillərdən biri olmasıdır.
Nissan Sakura modeli nə vəd edir?
Nissan Sakura modeli hələlik yalnız sükanın sağ tərəfdə olduğu modifikasiyada təklif edilir. İlk növbədə əsas hədəf Yaponiya bazarıdır. Gələcək dövürdə İngiltərə və Avstraliya kimi ölkələrə ixrac edilməsi gözlənilir. Elektromobilin Yaponiya bazarı üçün nə qədər önəmli olduğu adından da məlumdur. Hansı ki, Yaponiya mədəniyyətində məşhur Sakura (albalı çiçəyi) bitkisinin adını alıb.
Elektromobil kompakt olsa da dizayn cəhətdən diqqət çəkən detallara malikdir. Elektromobil olduğundan ön tərəfdə hər hansı bir fiziki radiator barmaqlığı mövcud deyil. Sadəcə görünüşü tamamlamaq üçün radiator barmaqlığına bənzər bir dizayn verilib. Yan tərəfdə ciddi diqqət çəkən bir şey olmasa da, yan şüşələrin ətrafındakı qara zolaq arxa tərəfə qədər uzadılıb. Arxadan baxdıqda əyləc işıqlarının dizaynı ortaya doğru uzanaraq birləşib. Ortasına isə NİSSAN yazısı həkk olunub. Şirkət təkər disklərinin də görünüşünə diqqət yetirməkdən çəkinməyib. Modifikasiyaya görə 14 və 15 düymlük təkər diskləri təklif edilir. Sakura modelinin uzunluğu 3395mm, eni 1475mm təşkil edir.
Elektromobilin interyer dizaynı da olduqca sadə və innovativ görünür. Ön paneldə axtardığınız bir çox multimedia xüsusiyyətləri mövcuddur. Xırda və işləmələr gözə xoş gəlir. 4 nəfərin bu modeldə rahat ziyarət etməsi mümkündür. Lakin uzaq məsafələrə üçün uyğun deyil.
Nissan iddia edir ki, kei sinfində ən yaxşı səs izolyasiyasına malik model Sakura olacaq. Bu elektromobil Nissan ProPilot Park, ProPilot köməkçilərinə sahibdir. Belə bir balaca avtomobili harasa park etməyə kimsə əziyyət çəkmək istəməsəniz, elektromobilin bu xüsusiyyətindən yararlanmağınız mümkündür. ProPilot ilə Elektromobil cərgədə özü hərəkət edə, avtomotik əyləcləyə bilər.
Sakura modeli sadəcə 28kW tutuma malik batareyaya malikdir. Elektromobil bu batareya ilə 180Km məsafə qət edə biləcək. Gündəlik işə gədib-gələn şəxslər üçün bu batareya 4-5 gün kifayət edəcəkdir. Modelin sırf şəhər içi istifadə üçün uyğun olduğunu unutmamaq lazımdır. Elektrik mühərrikininin gücü 47kW təşkil edir. Maksimum sürəti 130km/s olub, 195nm fırlanma anı hasil edir. Elektromobil üçün lazımi olan tək pedallı sürüş texnologiyasına malikdir. Qiymət 13900$ təşkil edir.
