iPhone 8 gövdəsinə yüksək səviyyəli komponentlər əlavə edərək iPhone SE-yə həyat verən Apple şirkəti, nəhayət, bu xətinin dizaynına həqiqətən dəyişiklik etməyin astanasındadır. Şirkətin keçən il ləğv edilən 4-cü nəsil iPhone SE modeli böyük dəyişikliklərlə yenidən hazırlanmağa başladı. Görünür, Apple şirkətinin yeni planında yeni iPhone SE olduqca premium cihaz olacaq.
SiliconSong tərəfindən yayımlanan məlumata görə, Apple yeni nəsil iPhone SE modelində A15 çipsetindən istifadə etməyi nəzərdə tutub. USB-C bağlantısı və OLED ekrana sahib olması gözlənilən cihaz, iPhone 14 ilə demək olar ki, eyni dizayna sahib olacaq. Hətta təminatçıların verdiyi məlumata əsasən, iPhone 14 üçün nəzərdə tutulan qoburlar (kaburolar) iPhone SE 4 modeli üçün birə-bir eyni ölçüdədir.
SiliconSong cihazda istifadə olunacaq A15 çipsetinin variantı açıqlamasa da, Apple şirkətinin bu nəsildə 5 qrafik nüvəsi olan variantdan yararlanacağı gözlənilir. Təqdim ediləcək model haqqında hər şey olduqca perspektivli görünür. Bu buraxılışda daha güclü və səmərəli A16 Bionic istifadə edilməsini görmək təxmin edilirdi, lakin Apple şirkətinin potensial addımı biznes nöqteyi-nəzərindən başa düşüləndir. Şirkətin bu qərarı yəqin ki, cihazın münasib qiymətə sahib olmasına imkan verəcək. Bundan əlavə, bəzi mənbələrə görə, yeni SE şirkətin öz istehsalı olan 5G modemi ilə təchiz edilən ilk cihaz olacaq. Orta səviyyədə olduqca iddialı olacağı gözlənilən 4-cü nəsil iPhone SE, yəqin ki, 2024-cü ilin əvvəli təqdim ediləcək.
İndi isə digər maraqla gözlənilən iPhone 15 seriyası haqqındakı məlumatlara nəzər salaq. Seriyanın hansı ekran xüsusiyyətlərinə sahib olacaqları barədə məlumatlar mövcuddur. Belə ki, iPhone 15 Pro LTPO ekranlarına sahib olacaq və eyni zamanda 1 Hz–dən 120 Hz-ə kimi təsvirin dinamik yenilənməsi xüsusiyyətinə də malik olacaqlar. iPhone 15 ilə iPhone 15 Plus modelləri isə 60 Hz-lik təsvir yenilənməsinə sahib ekranlar ilə təchiz ediləcəklər. Yeni nəsil smartfonlarına dinamik ada gətirəcək şirkət, 60Hz yeniləmə tezliyini hələ də flaqmanlarında 120Hz etmək barədə görünür, düşünmür.
