Bəlkə də bir çoxlarınızın bildiyi kimi Samsung şirkəti Yaponiyada öz adından uzun bir müddətdir istifadə etmirdi. Çıxan məhsullar Yaponiya üçün özəl olaraq 2015-ci ildən bu yana Galaxy brendi altında satışa çıxarılırdı. Buna müxtəlif səbəblər göstərilsə də bilinən ən məlum açıqlama Samsung brendinin adına qarşı Yaponların birbaşa Koreya məhsulu kimi biraz uzaq davranması idi. Nəticə etibarilə 2015-ci ildə əvvəlcə qutu üzərindən, daha sonra cihazların üzərindən Samsung yazısı silinməyə başlandı. Lakin dövr artıq dəyişib və Samsung belə bir fərqli strategiya yeritməyin məntiqsiz olduğu qənaətindədir. Belə ki, Samsung şirkəti yenidən Yaponiyada öz adına qayıtmağa başlayır.
Yaponiyada Samsung tərəfindən edilən bu dəyişikliklər görünməyə başlanıb
Ortaya çıxan məlumatlara əsasən, Galaxy S23 seriyasından başlayaraq cihazların arxasındakı Samsung yazısı və Samsung markası geri qayıdıb. Şirkət artıq Yapon müştərilər üçün verdiyi Galaxy müştəri xidmətləri adını belə, Samsung müştəri xidmətlərinə bərpa edib. Mütəxəssislər bildirir ki, xüsusilə Apple ilə rəqabət mühitində Samsung şirkəti sadəcə Galaxy brendi kimi çıxış etməkdə geri qalırdı. Nəticədə Samsung şirkəti Yaponiyada özünü təkrar bəlli etməli idi.
Bundan əlavə insayderlər Galaxy A34 və Galaxy A54 modellərinin təqdimat tarixini də açıqlayıblar. Smartfonlar barədə hər bir məlumat əvvəlcədən sızdırıldığından detallara çox girməyəcəyik. “Saytımızdakı Galaxy A34 və A54 ilə bağlı rəsmi detallar sızdırıldı!” xəbərinə keçid edərək cihazlarla tanış ola bilərsiniz. Smartfonların təqdimat tarixi isə deyilənə görə 15 mart üçün nəzərdə tutulub. Əksər hallarda 17 mart tarixinə təsadüf edən təqdimat belə olacağı halda 2 gün geriyə çəkiləcək.
