Dünyada süni intellekt dedikdə iki sözün baş hərfinin birləşməsini ifadə edən AI birləşməsi mütləq ağlınıza gəlir. Bilməyənlər üçün “Artificial Intelligence” sözlərinin baş hərflərindən söhbət gedir ki, süni intellektin adətən əlifba simvolu məh AI-dır. ChatGPT son dövrlərdə süni intellekt sahəsində çox populyardır. Lakin bu populyarlıq özü ilə birlikdə bəzi mükəmməliyyətçilik elementlərini də birləşdirməlidir. Verilən məlumata görə OpenAI tarixin ən bahalı domenləri siyahısına daxil ola biləcək “AI.com”-u rəsmi olaraq satın alıb.
Son qeydə alınan rəqəmlərdə OpenAI tərəfindən alınan AI.com domeninin dəyəri 11 milyon dollar təşkil edirdi
Saw.com tərəfindən satılan domen barədə hələlik, OpenAI rəsmi bir açıqlama yaymayıb. Lakin saw.com platforması bununla bağlı paylaşım edib. Domenin neçəyə satıldığı barədə dəqiq bir məlumat verilməyib. Buna baxmayaraq kohnə qiymətlər analiz edildikdə əvvəllər 11 milyon dollara təklif ediliyi görülüb. Ona görə də şirkət AI.com domeni üçün realda daha yüksək məbləğ təklif etmiş ola bilər.
İlk dəfə 1993-cü ilin may ayında alınmış bu domen tam olaraq 30 illik keçmişə sahibdir. Bəlkə də 30 il əvvəl tamamilə fərqli məqsədlər üçün alınmış AI uzantısı son illərdə əhəmiyyətli dərəcədə dəyərlənmiş vəziyyətdədir. Qeyd edək ki, hal-hazırda domen aktiv olaraq fəaliyyətdədir. AI.com yazıb axtarış etdikdə OpenAI sizi birbaşa chat.openai.com saytına yönləndirir. Böyük bir ehtimalla yaxın gələcəkdə tam tərsi chat.openai.com yazdıqda sizi AI.com saytına göndərəcək. Bununla da əlaqədar heç bir açıqlama yoxdur.
