Startup Grind Baku tərəfindən bu gün Sabah.Lab Akselerasiya Mərkəzində bu ilin dördüncü görüşü baş tutdu. Bildiyiniz kimi, ötən Startup Grind tədbirimiz olduqca maraqlı mövzu olan “Workshop: Product design process in a Venture Studio” mövzusu ətrafında keçirildi. Görüşün spikerləri Azər Nemanlı və Nərminə Ağayeva olub, uğurlu UX/UI dizayn həllərinə, bu həllərin necə yaradıla biləcəyinə və toxundular. Vörkşopda məhsulun hazırlanması prosesinə nəzər yetirildi, problemlərə həll yollarını tapmağı, həmçinin UX dizaynında crazy 8s metodunu necə tətbiq etmək öyrədildi. Mövzular aşağıdakı iki sualın verilməsi ilə ortaya çıxdı:
- İdeyanız var ancaq müştərilərinizə istifadəşilərinizə göstərmək üçün prototipiniz yoxdur?
- Prototipi yaratmaq üçün çox xərc çəkəcəyinizi düşünürsünüz?
Azər və Nərminə “GROW lab Venture Studio”-da məhsul dizaynerləri olaraq çalışırlar və həmçinin #Awwwards-da Münsif olaraq fəaliyyət göstərirlər. Bu vörkşopa elə bu suallar ətrafında bizə dizayn prosesinin ayrıntılarından, nümunələrdən və təcrübələrdən danışdılar. “UX/UI dizaynında istifadə olunan alətlər, wireframing, low code no code, təhlil, analiz, prototipinq və istifadəçi sınaqı alətləri haqqında detallar barədə auditoriyanı məlumatlandırdılar.
“Startup Grind” – “Workshop”: Product design process in a Venture Studio” | Tedroid Media
Startup Grind Baku tərəfindən bu gün Sabah.Lab Akselerasiya Mərkəzində bu ilin beşinci görüşü baş tutdu. Belə ki, bu görüşümüzün spikerləri Azər Nemanlı və Nərminə Ağayeva oldu. Yaxşı bəs, Azər Nemanlı və Nərminə Ağayeva “Workshop” ətrafında nələrdən bəhs etdi?
“Startup Grind” – “Workshop: Product design process in a Venture Studio” tədbirindən ən diqqət çəkən məqamlar nələr oldu?
“Workshop: Product design process in a Venture Studio” başlanğıcında Camal Ağayev öz çıxışı ilə ilk olaraq GROW lab barədə nitqi ilə yadda qaldı. GROW lab bir vençur studiyadır. Yəni, ən sadə formada desək məqsədləri startap qurmaqdır. Lakin ənənəvi formada startap yardılmasını həyata keçirmirlər. Grow lab vençur studiyası kimi investisiya axtarmır. Öz komandası və maliyyə bölgüsü var. Həmin komanda daxilində isə işinin peşəkarı insanlar və sahibkarlar var. Hansı ki, müxtəlif şirkətlər və biznes qurmuş sahibkarlardan söhbət gedir. Eyni zamanda da özünü təkmilləşdirməkdə olan insanlar var. Azərbaycanda ən çətin problemlərdən biri həm-təsisçi yetişdirmək olduğundan, ilk növbədə GROW lab bu problemin üstəsindən gəlmək üçün öz komandası daxilində vacib işlər görür. Startap tərəfindən baxdıqda isə vençur studiyanın ən güclü tərəfi (R&D) olub, Tədqiqat və inkişaf üçün ciddi səylər göstərirlər.
Startapların buna çox imkanı olmadığı üçün GROW lab tədqiqat və inkişaf üçün xüsusilə maliyyə cəhətdən çox yaxşı töhfə verməyi bacarır. Təbii ki, bütün bunlardan əlavə müştəri və istifadəçi əlaqələrinin də qurulmasında məhsul hazırlanması cəhətdən vençur studiyasının böyük rolu vardır. Bu istiqamətdə də ideya, araşdırma aparılması və.s xüsusilə komanda daxilində peşəkar səviyyədə Azər Nemanlı və Nərminə Ağayeva tərəfindən həyata keçirilir.
Nərminə Ağayeva “Workshop: Product design process in a Venture Studio” çıxışında qeyd edir ki, IT sahəsində təhsil almış olsa da baxdığı bir çox yerdə vizuallıq axtarır. Hətta əvvəldən memarlığa maraq göstərsə də, daha doğru seçim olaraq IT sahəsinə yönəlib bu gün texnoloji sahənin “dizaynı” tərəfin də vacib işlər görməyə başlayıb. IT sahəsinin davamında isə UX/UI həlləri ilə tanış olub bu istqamətdə özünü peşəkarlaşdırmaqla məşğul olub.
Azər Nemanlı isə bu karyerasına 2014-cü ildən oyun oynamağa marağı ilə atılmışdı. Oyun oynamaqla qazancının olmayacağını anlayan Azər, bu sahədə necə qazanc əldə edə biləcəyini düşünüb oyun yaratsam necə olar? – sualını verdi. İlk növbədə Rusiyada MMO və FPS oyunları hazırlayan bir şirkət ilə işə başladı. Oyun yaratmaq deyəndə də daha çox texniki inkişaf yox, dizayn ona maraqlı olduğundan UI/UX sektoruna doğru irəliləyən yol start götürüb. Ötən illər UI/UX dizayn müxtəlif yerlərə parçalandı, məhsul dizaynı deyə anlayışlar olduqca inkişaf etdi. Biznesin inkişafı, müştərinin olması və ümumilikdə bu anlayışlar ətrafında məhsul dizaynı əhəmiyyətli bir sektora çevrildi.
Azər bəy, UX və UI fərqini belə izah edir ki, UX tərəfində daha çox analitik düşüncəyə fokuslanmaq lazımdır. Çünki, UX ilə müştəri ilə empatiya qura bilməlidir və psixologiyanı anlamalıdır. UI tərəf isə daha çox yaradıcılıq tələb edir. UI tərəfini görmək nisbətən asan olsa da UX bir o qədər mürəkkəb bir bölgünü özündə birləşdirir.
Lakin Nərminə Ağayevanın da bildirdiyi kimi bu gün UX/UI dizaynerlərlə müqayisədə məhsul dizaynerləri qlobal bazarda daha çox rəğbət görən sahədir. Əslində bu anlayışlar bir-birinə xeyli yaxındır. Lakin biznes quran bir insan üçün biznesin uğurlu olması çox önəmli olduğundan, sahibkarlar üçün məhsul dizaynından anlayan biri UX/UI dizaynerindən bir addım irəlidə ola bilər.
Növbəti tədbirimizdə nələr olacaq?
Mövzunu burada sonlandırıb, daha çox və maraqlı söhbətlər üçün sizlərə səs yazısına qulaq asmağınızı tövsiyə edirik. Növbəti tədbirimizin qonaqları Elnarə Teymurova və Səbinə Əliyeva, MBA olacaqlar. Məhsul sahibliyi, məhsullarınızı və xidmətlərinizi satmaq, idarə etmək və inkişaf etdirmək üçün əsas rol oynayan bir konseptdir. İdeal məhsul sahibi, müştərilərinin tələblərini anlamalı, məhsullarını və xidmətlərini doğru bir şəkildə göstərməli və həmişə inkişaf etməlidir. Bu, müştəri məmnuniyyətini və məhsulunuzun/xidmətinizin qiymətini artırmaq üçün mühüm bir faktordur. Sizdə məhsul yaradılışı prosesinin necə olduğunu öyənmək istəyirsinizsə növbəti tədbirimizə qeydiyyatdan keçməyə tələsin. “Startup Grind” ilə bizə qoşulmaq və tədbirdə iştirak etmək üçün aşağıdakı qeydiyyat linkinə daxil ola bilərsiniz. *Şəkillərin yüksək keyfiyyətli halını əldə etmək üçün sosial şəbəkələrdən “tedroid media” ilə əlaqə saxlaya bilərsiniz.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
