Bir müddət əvvəl Honor X40 modelinin qlobal bazara Honor Magic 5 Lite olaraq gələcəyini bildirmişdik. Lakin Honor şirkəti Honor Magic 5 Lite modelini Avropa üçün adlandırma seçərək, elə Asiya regionu başda olmaqla Azərbaycanda da üçüncü bir ad ilə Honor X40 modelini rəsmi olaraq satışa çıxardı. Aydın məsələdir ki, söhbət Honor X9a 5G modelindən gedir. Ötən gün keçiriən rəsmi təqdimat tədbiri ilə birlikdə Honor X9a 5G Azərbaycandakı şəbəkə mağazalarında təklif edilməyə başlıanıb. Sinfindəki ən premium görünüşlü və ən yaxşı ekrana malik smartfon hesab edilən Honor X9a 5G, özlərinin dilindən desək orta seqmentə yeni nəfəs gətirməyi hədəfləyir.
Bildiyiniz kimi, bu model qıvrımlı ekranı və çox erqonomik görünən gövdəsi yaxşı diqqət çəkir. Lakin premium görünüşünə baxmayaraq plastik gövdə elementlərini və nisbətən zəif texniki xüsusiyyətləri özündə birləşdirən cihazın qiyməti xeyli ucuzlaşdırılıb. İnanılmaz dərəcədə premium görünüşə malik, lakin bir o qədər də münasib qiymətə təklif edilən smartfona çox uzatamadan detallı nəzər yetirək.
Azərbaycan bazarına yeni gəlmiş Honor X9a 5G modeli nə vəd edir?
Honor X40 modeli yanlardan qıvrımlı 6.67 düymlük FHD+ AMOLED ekran paneli əldə edib. 120Hz görüntü yeniləmə və 300Hz sensor tezliyinə sahib bu model eyni zamanda ekrandan barmaq izi oxuyucusuna da malikdir. Ekranın kənar çərçivələri də minimuma endirildiyi üçün 94%-lik ekranın gövdə nisbəti vəd edir. Üstəlik bu ekran 1920Hz tezlikli PWM göz qoruması standartına da malikdir. Xüsusi qoruyuc şüşə ilə örtülən göstərilən testlərə görə “qoz sındırmağa qarşı” belə davamlıdır. Şirkət ekran qoruyuc şüşənin davamlılığına dəfələrlə toxunur.
Smartfon öz gücünü Snapdragon 695 5G çipsetindən alır. Kamera parametrləri tərəfində isə bizi Honor X40 modeli ilə müqayisədə daha təkmilləşmiş konfiqurasiya qarşılayır. Bu cihaza 64MP əsas, 5MP ultra-geniş bucaqlı və 2MP makro kameraları quraşdırılıb. Ona görə də fləşin yeri aşağı sürüşüb və onun yerinə ultra-geniş bucaqlı kamera sensoru gəlib. Selfi kameramız da Honor X40 modeli ilə müqayisədə Honor X9a 5G modelində 8MP əvəzinə 16MP kamera sensoru ilə əvəzlənib. Honor şirkəti kamera parametrlərindən əlavə proqram təminatına da ciddi əhəmiyyət verdiyindən süni intellekt gücləndirməli şəkillərin keyfiyyəti həqiqətən qane edici səviyyədədir. MATRIX AI VISION CAMERA texnologiyası xüsusi olaraq bu cihaz üçün optimallaşdırılıb.
Batareyası 5100 mAs olub, 40 Vatt sürətli şarj dəstəkləyir. Android 12 üzərinə Magic UI 6.1 interfeysi ilə qutudan çıxır. İnterfeysin axıcılığı isə Honor modellərində həqiqətən ideal səviyyədədir. Smartfonun ağırlığı isə 172 qram təşkil edir ki, böyük ekran qarşılığında çəki olduqca yaxşıdır.
Smartfonun qiyməti nağd alış zamanı qiyməti rəsmi olaraq 749.99 AZN təşkil etsə də, nağd alşa -70 AZN endirim nəzərdə tutulub. Smartfonu alan şəxslərə isə Honor brendi Honor Choice Earbuds X3 Lite naqilsiz qulaqlığını hədiyyə edəcəyini bildirib.
