Karen Green adlı şəxsə dostları tərəfindən hədiyyə edilən hələ də qutusu açılmamış birinci nəsil iPhone, ötən gün hərraca çıxarılıb. LCG Auctions tərəfindən keçirilən hərrac 2500 dollara açılıb və hərracın ən az 50 min dollara satılacağı gözlənilir. Belə ki, hərrac 19 fevraladək davam edəcək.
“iPhone” sahibi Karen Green deyir ki, telefon ona 2007-ci ildə PetSmart şirkətində işə başladıqdan sonra hədiyyə olaraq verilib. Lakin operatorla bağladığı müqaviləyə görə cihazdan istifadə edə bilməyib. Birinci nəsil qutusu açılmamış iPhone SIM kilidli olduğundan, Green istifadə etmədən telefonu saxlamalı olub. 2019-cu ildə təxmini dəyəri 5 min dollar olarkən, telefonu daha bir neçə il daha saxlamaq qərarı alıb. İndi isə Green onu qutusu açılmadığına görə 50 min dollardan baha satmağı planlaşıdırır.
Qutusundan çıxmamış iPhone-lar kolleksiyaçılar tərəfindən çox sevilirlər və belə cihazların olduqca yüksək qiymətə satılmasının çox şahidi olmuşuq. Məsələn, yadınızdadırsa, 2022-ci ilin oktyabrında fabrikdə möhürlənmiş iPhone tam olaraq 40 min dollara satılmışdı. 2022-ci ilin avqustunda fabrikdə möhürlənmiş fərqli bir iPhone 35 min dollara, açılmamış birinci nəsil iPod isə 25 min dollara satıldı. Yuxarıda da qeyd etdiyimiz kimi PetSmart-dan alınan və 2007-ci ildən bəri qutusundan çıxmamış birinci nəsil iPhone modelinə sahib olmaq istəyənlər çox olacaq. LCG Auctions tərəfindən keçirilən bu hərrac 2 həftə sonra 19 fevral tarixində yekunlaşacaq.
