Bu gün bir çox smartfon nəhəngləri, xüsusilə Samsung, diqqətini qatlana bilən modellərə yönəldib. Apple şirkətinin də bu bazara fərqli şəkildə addım atacağı gözlənilir. Bu günlərdə isə uzun müddətdir gündəmdə olan qatlana bilən iPad haqqında yeni detalları ortaya çıxıb. Xəbər, 2025-ci ildə buraxılacağı bildirilən qatlanan iPad haqqında təfərrüatları paylaşan məşhur Ming-Chi Kuo ləqəbli analitikdən gəldi.
Qatlanan iPad dizaynı üçün Apple şirkəti “Anjie Technology”-dən yararlanacaq
Məlum olduğu kimi, Apple şirkətinin qatlana bilən iPhone modelindən əvvəl qatlana bilən iPad modelini təqdim edəcəyi gözlənilir. Yeni bir yazı paylaşan Kuo, təzə çıxacaq Pad modelində karbon lifindən hazırlanmış daxili ayaq dayağının olacağını bildirib. Kuo, tezliklə Apple şirkəti tədarük zəncirinə qoşula biləcək Anjie Technology ilə bağlı mövzulara toxunub. Bu şirkətin qatlana bilən iPad modelinin yeni dizaynında rol oynayacağı gözlənilir. Anjie Technology qatlanan iPad üçün karbon lifli dəstək çərçivəsi və laminasiya təchizatçısı olmalıdır. Gələcəkdə qatlanan cihazların konfiqurasiyasında məhz bu şirkətin texnologiyalarından faydalanmağa davam ediləcəyi gözlənilir. Kuo iddia edir ki, nəhəngin bu planşeti gələn il bazara çıxara biləcəyi ehtimalı çox azdır.
Görünür, Apple cihazın davamlılığını itirmədən ciddi təkmilləşdirmələr etməyi planlaşdırır. Bu yeni dizaynın təfərrüatları bilinməsə də, deyə bilərik ki, bu, cihaz üçün böyük dəyişikliyə işarə edilir. Qatlanan iPad-dən danışan Kuo bundan başqa bildirib ki, “yaxın 9-12 ay ərzində yeni iPad modelləri təqdim edilməyəcək və bu səbəbdən 2023-cü ildə iPad tədarüklərində azalma olacaq”. Bununla belə, yeni iPad Mini modelinin gələn ilin birinci rübündə kütləvi istehsalına başlanacağı gözlənilir.
