Demək olar bütün noutbuk modellərində fiziki yer az olduğundan soyutma sistemi həmişə problem yaradır. Keçən aylarda bu vəziyyəti dəyişdirəcəyini iddia edən Frore Systems şirkəti, CES 2023 timsalında AirJet adlı inqilabi texnologiyasını nümayiş etdirib. CES 2023 sərgisində şirkət, yeni nəsil soyutma sisteminin bir konsept olmayacağından bəhs edib və yeniliyin artıq seriya istehsalına hazırlandığını bildirib. Həmçinin, 2023-cü ilin sonunda bəzi ultra nazik notbuk modellərində bu texnologiyanın olacağı bildirilib
Bu texnologiya nədir və necə işləyir?
Smartfon və planşetlərlə yanaşı kompüterlər üçün də uyğunlaşdırıla bilən texnologiya soyutma prosesində fanlardan istifadə etmir. Şirkət bildirir ki, AirJet içərisində ultrasəs tezliyində titrəyən kiçik membranlar var. Bu membranlar (hava kisələri) AirJet-ə yuxarıdakı giriş deşikləri ilə sistemə daxil olan güclü hava axını yaradır.
Bu yanaşma ilə istiliyi çıxara və laptopun arxasındakı deşiklər vasitəsilə onu xaric edə bilən güclü hava axını soyutmanı təmin edir. AirJet fansız olsada bu o demək deyil ki heç bir səs-küy yaratmır. Normal bir pərli sistem kimi səs yaradır. Çünki, hələ də hava axını var, lakin çıxarılan səs ənənəvi sistemlərdən fərqli olaraq narahatedici səviyyədə deyil. Bildirilir ki, sistem işləyərkən 24-29 desibel arasında səs-küy yaradır. Buna baxmayaraq AirJet notbukun qalınlığına mənfi təsir etmir çünki cəmi 2,8 mm enə malikdir.
Keçən aylarda tam 100 milyon dollar investisiya alan şirkət AirJet texnologiyası üçün Intel və Qualcomm ilə əməkdaşlıq edir. Qeyd edək ki, bu texnologiya toz yığılması problemlərini də aradan qaldıracaq.
Josh Newman
Frore Systems-in AirJet texnologiyası yeni dizayn məqsədlərinə çatmağa kömək etmək üçün şirkətlərə unikal yanaşma təklif etməyə başlayır. İlk olaraq Intel ilə, AirJet-i gələcək Intel Evo noutbuklarında istifadə etməkdən məmnunluq duyuruq.
Şirkətin baş direktoru Seshu Madhavapeddy PCWorld-ə verdiyi müsahibəni aşağıdaki videodan izləyə bilərsiniz.
