Samsung Galaxy S23 seriyasının 1 fevral tarixində təqdim ediləcəyinə dair ötən paylaşımlarımızda sizə məlumat vermişdik. Belə ki, rəsmi Galaxy S23 seriyası ilə bağlı son detallar da yavaş-yavaş ortaya çıxmağa başlayır. Lakin detallar dedikdə bu paylaşım nəzərən smartfonların texniki xüsusiyyətlərini nəzərdə tutmuruq. Çünki, mövzumuzun əsas mahiyyəti Galaxy S23 seriyasının rəsmi press görüntüləri olacaq. Günün ilk saatlarında aşağı keyfiyyətdə Galaxy S23 Ultra və Galaxy S23+ modellərinə aid render görüntülərinin sızdırılmasının ardıyca, məşhur insayder Evan Blass öz paylaşımları ilə diqqət çəkdi. Evleaks ləqəbli insayder, öz sosial media adresləri üzərindən Galaxy S23 Ultra, Galaxy S23+ və Galaxy S23 seriyasının yüksək keyfiyyətli render görüntülərini yayımlayıb.
Smartfonlar olduqca oxşar olsalar da müəyyən təkmilləşdirmələr əldə edəcəklər
Galaxy S23 seriyası press görüntülərinə görə cihazlar Galaxy S22 seriyası ilə bənzərlik təşkil edəcəklər. Galaxy S23 Ultra modeli daxili bir S Pen dəstəyinə malik olacaq. Arxa tərəfdə isə kamera modulunun quruluşu eyni qalacaq. Lakin buna baxmayaraq təkli kamera modulları təqribi 25-30% böyüyəcək. Bu da texniki cəhətdən daha böyük obyektiv işlədiləcəyi deməkdir. Digər bir diqqət çəkən detal isə Galaxy S23 Ultra modelində kamera modulunun kənarlarına gövdə ilə ahəngdar rəngdə çərçivələrin əlavə olunmasıdır.
Vacib detal isə Galaxy S23 Ultra modelinin ekranı ilə bağlıdır. Samsung şirkəti ekranın qıvrımlarını demək olar yox edib. Çünki, smartfona yandan baxdıqda Galaxy S22 Ultra ilə müqayisədə çox ciddi ölçüdə böyümüş kənar yan çərçivələr müşahidə edilir. Qıvrımlar tam yox olmayıb, lakin kənarlara doğru heç bir funksional imkana malik deyil. Sadəcə estetik görünməsi üçün ekranın kənar çərçivələri ilə qıvrım yaradılıb Ümumilikdə sızdırılan Galaxy S23 seriyası press görüntülərinə görə cihazlar qara, süd ağı, zeytun rəngi və açıq çəhrayı olmaqla 4 rəngdə təklif ediləcək. Sadə Galaxy S23 seriyası modellərində isə kamera modulu dizaynı Galaxy S23 Ultra ilə uyğunlaşdırılıb və ekran çərçivələri yenidən işlənib. Ciddi bir dəyişiklik ən azından görünüş cəhətdən mövcud deyil.
