Qatlana bilən telefon bazarında Galaxy Z seriyası ilə böyük uğur qazanan Samsung şirkəti , Fold 4 və Flip 4-ün davamçıları olacaq Galaxy Z Fold 5 və Flip 5 üzərində işləməyə başladığı görünür. Bu gün Vyetnamda yerləşən The Pixel resursu Galaxy Z Fold 5 haqqında bəzi yeni maraqlı detallar paylaşıb.
The Pixel tərəfindən verilən xəbərə görə, Galaxy Z Fold 5 modelinin sınaq versiyasının 4 nanometrlik Qualcomm Snapdragon 985 5G adlı yeni çipseti ilə təchiz edildiyini söyləyir. Təəssüfləndirici yanı ondadır ki, Qualcomm tərəfindən belə bir çipset elan edilməyib. İddialara görə Snapdragon 985 5G çipseti, əslində Snapdragon 8 Gen 2 olub, verilənlər bazasına səhv işlənib.
Daxil edilən detallar arasında ən maraqlı sızıntılardan biri yeni qatlana bilən telefonun Galaxy Z Fold 4 modelindən bir qədər qalın (6,3 mm əvəzinə 6,5 mm) və daha ağır olacağı da var. Bu sızıntının maraqlı tərəfi sözügedən çəki və qalınlığın artmasının S-Pen yuvası ilə bağlı olduğu ehtimal edilir.
Son detallara görə Galaxy Z Fold 5 modelində 50MP ISOCELL GN3 əsas kamerası və 12MP selfi kamerasından ibarət üçlü dizayna sahib olacağını ortaya qoyub. Smartfonun digər sensor detalları hələ məlum deyil. Təxminlərə görə, Samsung Galaxy Z Fold 5 və Galaxy Flip 5 hər il olduğu kimi avqust ayında keçiriləcək Galaxy Unpacked tədbirində təqdim olunacaq. Digər bir tərəfdən Galaxy S23 seriyası da 1 fevral tarixində təqdim edilməlidir. Təqdimat posterlərinin paylaşılmasından əlavə Galaxy S23 seriyası ilə birlikdə verilən hədiyyələr də məlum olub. Samsung şirkəti qarşıdan gələn Galaxy S23 seriyası ilə birlikdə Galaxy Buds 2 Pro qulaqlığını ilkin alış zamanı hədiyyə edəcək.
