Bəlkə də çoxlarınız bilməsə də, data mərkəzlərində serverləri soyutmaq üçün sudan aktiv istifadə edilir. Təkcə 2021-ci ildə bununla bağlı Google şirkəti milyardlarla litr su istifadə edib. Axtarış şirkətinin nəhənginin su istehlakı tələbi, dünya üzrə şirkətin məlumat mərkəzlərinə olan yüksək təlabatından irəli gəlir. Aydın məsələdir ki, Google şirkəti yüzlərlə servisin idarə edilməsinə cavabdeh olan data mərkəzlərinə sahibdir.
Yeni ortaya çıxan hesabat göstərir ki, 2021-ci ildə Google şirkətinə məxsus olan dünyanın müxtəlif nöqtələrindəki məlumat mərkəzləri, 15 milyard litrdən çox su istifadə edb. Təkcə ABŞ ərazisində, şirkət 12 milyard litrdən çox su istifadəsi ilə qeydə alınıb. Bu məlumatlar isə “The Oregonian” media qurumu tərəfindən ortaya çıxarılıb. Belə ki, Oreqon ştatının Dallas şəhərindən, Google şirkətinin bu ərazidə olan məlumat mərkəzinin nə qədər su istehlak etdiyini açıqlamasını hazırlamağa başlayıb.
Media qurumu bu məlumatları alana qədər 1 ilə yaxın serverlərin yerləşdiyi ştatlardakı rəsmilərlə mübahisə aparmışdır. Ən sonuncu Dallas şəhəri, Google şirkətinin məlumat mərkəzinin 2021-ci ildə nə qədər su istifadə etdiyi (1,25 milyard litr) açıqlaması ilə bu rəqəmlər tərtib olunub. Hesabatda həmçinin qeyd olunur ki, bu tip məlumat mərkəzlərində su istifadəsi beş il ərzində təxminən üç dəfə artıb. Həmçinin məlum olub ki, məlumat mərkəzi, elə məhz Dallas şəhəri nümunəsində ümumi su ehtiyatının dörddə birindən çoxunu istifadə edib.
Google şirkətinin rəsmi açıqlamalarına əsasən, bu həcmdə suyun istifadəsi, ən kobud formada ABŞ-da 29 qolf meydançası böyüklüyündə su istehlakına bərabərdir. Lakin bununla məsələ bitmir, çünki bu rəqəmlərə ölkə ərazisində olan məlumat mərkəzləri tərəfindən istifadə edilən dəniz, okean suyu daxil deyil. Hal-hazırda müxtəlif regionlar məlumat mərkəzlərinin su istehlakını azaldmaq üçün ciddi qaydalar yaratmağa calışır.
