Xiaomi brendi tərəfindən 1 Dekabrda təqdim edilməsi gözlənilən MIUI 14 interfeysi barədə yeni detallar ortaya çıxıb. Qeyd edək ki, Çin brendi yeni interfeysi Xiaomi 13 smartfonu ilə birlikdə təqdim etməyi planlaşdırır. Brendin yeni interfeysi həmçinin Project Blade adlandırılır. Şirkət yeni interfeys ilə smartfonların daha sürətli və daha stabil işləyəcəyini iddia edir. Belə ki, MIUI 14 barədə ortaya çıxan detallar da bu iddianı təsdiqləyir.
MIUI 14 interfeysi hansı yeniliklərə sahib olacaq?
Şirkətin baş direktorunun sözlərinə görə, Android 13 əməliyyat sisteminə əsaslanan və Project Blade adlandırılan yeni interfeysdə lazımsız xüsusiyyətlər aradan qaldırılıb. Belə ki, MIUI 13 ilə müqayisədə 23% daha aşağı həcmə sahib olan yeni interfeysi quraşdırmaq daha sürətli olacaq. Həmçinin bu xüsusiyyət nəticəsində operativ yaddaşın idarəsi sistemi daha effetiv işləyəcək. Tərtibatçılar bildirir ki, yeni interfeysdən istifadə edənlər, 8 əsas sistem tətbiqi istisna olmaqla digər tətbiqləri silə biləcəklər. Qeyd edək ki, daha əvvəl yeni interfeysdə reklamların yığışdırılacağını bildirmişdik. İndi isə bu məlumat öz təsdiqini tapıb.
Əlavə olaraq qeyd edək ki, EqusalLeaks adlı insayderin iddiasına görə Xiaomi brendi 1 Dekabr tarixində keçirilməsi planlaşdırılan təqdimat tədbirini təxirə salıb. Buna səbəb isə Çinin keçmiş Prezidenti Jiang Zemin-in qəfil ölümünün olduğu bildirilir.
MIUI 14 alacaq cihazların siyahısı bunlardır
Xiaomi brendinə aid modellər
- Xiaoni 13 seriyası
- Xiaomi 12 seriyası
- Xiaomi 11 seriyası
- Xiaomi MIX 4
- Xiaomi MİX Fold
- Xiaomi MIX Fold 2
- Xiaomi Civi seriyası
- Xiaomi Mi Note 10 seriyası
- Xiaomi Mi 10 seriyası
- Xiaomi Pad 5 seriyası
Redmi brendinə aid modellər
- Redmi Note 11 seriyası
- Redmi K60 seriyası
- Redmi K50 seriyası
- Redmi K40 seriyası
- Redmi K30 seriyası
- Redmi Note 8 (2021)
- Redmi Note 10 seriyası
POCO brendinə aid modellər
- POCO M2 seriyası
- POCO M3 seriyası
- POCO M4 seriyası
- POCO X4 Pro 5G
- POCO X3 seriyası
- POCO F3 seriyası
- POCO F4 seriyası
- POCO F5 seriyası
- POCO C40 / C40+
