Müasir dövrdə bir çox smartfon istehsalçısı özünəməxsus ağıllı saat hazırlayır. Bu şirkətlər öz aralarında rəqabətə girdiyi üçün daim yeni funksiyaya sahib ağıllı saat hazırlamaq istəyirlər. Belə ki, Apple brendinin keyfiyyətli və dözümlü ağıllı saatları, Xiaomi brendinin uzunmüddət şarj saxlaya bilən ağıllı saatları və başqalarını misal olaraq göstərmək olar. Sadaladığımız brendlər ilə daim rəqabətdə olan Huawei brendi isə yenilik edərək naqilsiz qulaqlığa sahib ağıllı saat hazırlamağa başlayıb. Bu barədə məlumat Çin sosial şəbəkələrində iddia olunub. Belə ki, üzərində Huawei Watch Buds yazılan qablaşdırma sosial şəbəkələrdə yayılıb.
Huawei Watch Buds adlanan yeni ağıllı saat modeli hansı xüsusiyyətlərə sahib ola bilər?
Bu yaxınlarda Watch GT Cyber ağıllı saatını təqdim edən brend, indi də daha unikal bir ağıllı saat üzərində çalışamağa başlayıb. Yeni Huawei Watch Buds modelinin Çində yayılmış görüntülərinə əsasən naqilsiz qulaqlıq ilə təchiz olunacağı iddia olunur. Qeyd edək ki, Huawei Watch Buds ağıllı saat modeli ilk dəfə aprel ayında Avropa Birliyinin Əqli Mülkiyyət Ofisi (EUIPO) siyahısında ortaya çıxmışdı. Paylaşılan görüntülərdə yeni ağıllı saatın Watch GT 3 ilə eyni dizayna sahib olacağı görünür. Əlavə olaraq qeyd edək ki, naqilli qulaqlığa sahib ağıllı saat modeli əvvəllər kiçik şirkətlər tərəfindən sınansa da uğurlu alınmamışdı. Belə ki, bu saatların batareya tutumunun çox olması səbəbindən korpusnun ölçüsü də böyük alınırdı. Lakin paylaşılan görüntülərdə Huawei brendinin daha kiçik korpusa malik və batareya həcmi böyük bir ehtimalla çox olan saat modeli hazırladığını açıq-aşkar görmək olur.
Huawei brendinin yeni ağıllı saat modelini harada və nə zaman satışa çıxarılacağı hələlik məlum deyil. Lakin saatın Avropa qeydiyyatı onun Çindən kənar bazarlarda da satılacağına xəbər verir.
