Müasir dövrdə tibb sahəsinin gəldiyi nöqtə həqiqətəndə təqdirəlayiqdir. Belə ki, Cells Report Physical Sciences jurnalında dərc olunan araşdırmaya görə ABŞ-ın Konnektikut Universitetinin alimləri Parkinson xəstələri üçün yeni bir beyin implantı yaradıblar. Belə ki, yeni implant xəstənin nəfəs alması ilə nəticəsində işləyir və öz funksiyasını yerinə yetirir. Konnektikut Universitetinin kimyaçısı və tədqiqatın həmmüəllifi olan İslam Mosa bildirib ki, bu implant idarə olunan beyin stimulyatorunu, səmərəli enerji yığımını və enerji saxlamanı özündə birləşdirən ilk texnologiyadır.
Yeni Beyin implantı hansı funksiyaları yerinə yetirir?
Elm adamları tərəfindən yaradılmış yeni beyin implantı Parkinson xəstələrinin nəfəs alması nəticəsində yaranan triboelektrik enerjidən yararlanır. Belə ki, tənəffüs proseduru sürtünməyə səbəb olaraq superkondensatoru dolduran cərəyan yaradır və beyin stimulyatorunu gücləndirir. Elm adamlarının iddiasına görə bu cür fiziki terapiyalar Parkinson xəstəliyindən əziyyət çəkən xəstələrin fiziki terapiya titrəmə və depressiyanı idarə etməsinə kömək edə bilər.
Qeyd edək ki, hal-hazırda istifadə olunan beyin implantlarının batareyasının dəyişdirilməsi üçün ildə iki dəfə və ya 1 ildən bir əməliyyat keçirmək lazım gəlir. Həmçinin bu əməliyyatlar bahalı və yorucu oldğu üçün alimlər tənəffüs üsulu ilə enerji toplayan beyin implantı üzrəində işləməyə başlayıblar. Lakin hələlik bu ideya sınaq mərhələsindədir. Belə ki, sınaq zamanı donuz ağciyərlərindən istifadə edilsə də, beyin implantı siçan beyninə qoşulmuşdu. Beləliklə təcrübə zamanı nanogenerator donuz ağciyərinin nəfəs alması ilə uğurla işləyə bilib. Elm adamları qeyd edib ki, növbəti mərhələdə yalnız bir heyvan üzərində sınaq aparılacaq və əgər uğurlu alınarsa yaxın zamanda tibbdə istifadə olunacaq.
