Apple şirkətinin keçən aylarda təqdim etdiyi iPhone 14 seriyasının ən cəlbedici xüsusiyyətlərindən biri olan Fövqəladə Peyk bağlantısı bu ay istifadəyə verilir. Qeyd edək ki, şirkət ilk olaraq yeni funksiyanı yalnız ABŞ və Kanadada istifadəyə verəcək. Gələcək günlərdə isə bu funksiyanın digər ölkələrdə də istifadəyə veriləcəyi proqnozlaşdırılır. Apple bu funksiyanın həyata keçirilməi ilə bağlı Globalstar şirkətinin peyk xidməti ilə əməkdaşlıq etməyə başlayıb.
Apple şirkətinin yeni funksiyası hansı hallarda istifadə oluna bilər?
Şirkətin iPhone 14 seriyası üçün istidəyə verəcəyi yeni funkiya istifadəçilərin həyatını xilas edici imkana malikdir. Belə ki, iPhone istifadəçiləri mobil şəbəkə, Wifi olmayan yerlərdə təhlükə ilə üzləşərsə müvafiq dövlət orqanlarından peyk vasitəsi ilə kömək istəyə bilər. Apple şirkətinin Fövqəladə Peyk funksiyasından istifadə etmək üçün müəyyən şərtlərə əməl etmək lazımdır. Belə ki, istifadəçi funksiyadan istifadə etmək üçün hündürmərtəbəli binalardan və ya hündür dağdan, habelə bağlantıya mane olan yerlərdən uzaqda dayanmalısınız. Məhz bu şərtlər yerinə yetirildikdən sonra isə smartfonun batareya vəziyyəti və istifadəçinin yerləşdiyi yer barədə təcili yardım xidmətinə məlumat göndərilir.
Onuda qeyd edək ki, yeni funksiyanın istifadəyə verilməsi şirkət üçün 450 milyon dollara başa gələcək. Apple şirkətinin əməkdaşlıq etdiyi Globalstar şirkətinin xidməti 24 peykə malikdir. Yeni funksiyanın işləmə prinsipi belədir ki, istifadəçi öz məlumatlarını ilk öncə Globalstar-ın 24 peykindən birinə ötürür, peyk isə öz növbəsində bu məlumatı təcili yardım xidmətlərinə yönləndirir. Yeni funksiya 2 il ərzində iPhone 14 və iPhone 14 Pro istifadəçiləri tərəfindən pulsuz olaraq istifadə ediləcək. Lakin şirkət 2 illik sınaq müddəti bitdikdən sonra yeni funksiyadan istifadənin neçəyə başa gələcəyini hələ açıqlamayıb.
