Fantastik və bir o qədər qorxulu səslənsə də Alman tədqiqatçılardan ibarət bir qrup süni intellekt ilə heyvanların danışdığı dili deşifə edərək onları idarə etməyə çalışıb. Alimlər sınaq üçün arılar, fillər və balinalarla “danışmaq” üçün süni intellekti onların səslərini və ya hərəkət alqoritmlərini anlamaq üçün sazlayıblar. Vox resursu ilə reportajında British Columbia Universitetindən Karen Bakker, bal arılarının rəqslərini, fil və balina kimi canlıların isə çıxardığı səsləri deşifrə etmək üçün süni intellektin tətbiq edildiyini bildirib. Başlıqdan da təxmin etdiyiniz kimi, aparılan təcrübə olduqca “müsbət” nəticə verərək canlıların ünsiyyət metodunu öyrənməklə qalmayıb, onları idarə etməyə belə imkan verib.
Mütəxəssislər süni intellekt ilə heyvanların “danışdığı dili” deşifrə etməyin, onların manipulyasiyasına səbəb olacağından narahatdırlar
2018-ci ildə Almaniya Dahlem Maşın Öyrənmə və Robototexnika Mərkəzində arıların bir-birlərinə məlumat ötürmək üçün işlətdiyi rəqsi təqlid edən RoboBee adlı qurğu hazırlamışdılar. Əsl arıdan fərqli olaraq, robot sadəcə süngər materialdan hazırlanmış bir qurğu idi və arıların təqlid etməsinə yarayan çubuğa bərkidilmişdi. Komanda robota müxtəlif hava axını və vibrasiya formalarından ibarət rəqsin eyni hərəkətlərini təqlid etməsini öyrədib və videodan da gördüyünüz kimi arılar robotun hərəkətlərinə aldanır. Hətta bəzi arıların pətəkdə harada hərəkət etmələri və ya tamamilə dayanmaları kimi təlimatları robotdan aldığı aşkar edilib.
Karen Bakker bildirir ki, araşdırmaların növbəti addımlarında xüsusi hazırlanmış arıya bənzər robotlar üçün müxtəlif pətəklərdə yerləşdiriləcək. Əgər arı koloniyası maşınları özlərindən biri kimi qəbul edərsə koloniya üzərində bənzəri görülməmiş qüvvəyə sahib olacağıq.
Digər bir tərəfdən alimlər fil və xüsusilə balina kimi məməlil heyvanların “danışdığı dili” də süni intellekt ilə analiz edirlər. Bu heyvanların çıxara bildiyi infrasəslərini qəbul etmək üçün süni intellekt bioakustika tədqiqi həyata keçirir. Xüsusilə ötən ilin oktyabr ayında CETI layihəsi balinaların çıxardığı səsləri deşifrə etmək üçün süni intellekt ilə işlər aparır. CETI layihəsi, süni intellektin hər bir səsi xüsusi kontekstlə əlaqələndirməsi üçün tədqiqatçıların fikrincə, 5 il ərzində tamamlanmış olacaq. Layihə məqsədinə nail olarsa, vəhşi təbiətdə yaşayan balinalar ilə dialoq qurmağa yarayan dialoq sistemləri də hazırlana biləcək.
Karen Bakker əlavə olaraq qeyd edib ki, heyvanların danışdığı dili öyrənməyin əsas məqsədi çıxardığı səslərin nə mənaya gəldiyini aşkarlamaqdır. Lakin mütəxəssislərin fikrincə bu prosesin sonunda heyvanların manipulyasiya edilməsi ciddi bir problemə çevriləcək.
