Google DeepMind, bir əmrlə oynana bilən 3D dünyalar yaradan Genie 2 modelini təqdim edib. Yeni alət oyun dizaynı və süni intellekt üçün mühüm addım kimi qiymətləndirilir.
Beləliklə, Google DeepMind, tək bir vizual əmrlə 3D oyun dünyaları yaradan süni intellekt aləti hazırlayıb. Genie 2 kimi tanınan bu yeni vasitə, oyun dizaynı və süni intellekt tədqiqatı dünyası üçün mühüm bir addım kimi diqqət çəkir. Genie 2 istifadəçilərə tək vizual əmrlə tam oynana bilən 3D oyun dünyaları yaratmağa imkan verir. Genie 2, 2D dünyaları yaratmaq üçün sələfi Genie 1-dən kənara çıxır və oyunçuların qarşılıqlı əlaqə qura biləcəyi 3D mühitləri dizayn edə bilir.
Alət müxtəlif perspektivlərdən 3D dünyalar yaradır və həmçinin bu dünyalardakı hərəkətlər kimi qarşılıqlı təsirlərin nəticələrini simulyasiya edə bilər. Google, bu imkanların Genie 2-nin təklif etdiyi ən vacib xüsusiyyətlər arasında olduğunu açıqlayıb. Genie 2-nin ən mühüm xüsusiyyətlərindən biri onun oyun dizayn proseslərini sürətləndirmək qabiliyyəti olacaq. O, həmçinin NPC-lər, ətraf mühitin dinamikası işıqlandırma və animasiyalar kimi oyun dünyasını daha reallaşdıracaq elementlər istehsal etmək qabiliyyətinə malikdir. Genie 2 hələ də birbaşa video oyun inkişafında istifadə edilməsə də, potensialını nəzərə alaraq mühüm tədqiqat vasitəsi kimi ortaya çıxır.
