İndiyə qədər Google axtarış sistemi başda olmaqla bütün axtarış sistemlərində səhifələrdən ibarət nəticələr göstərilirdi. Əslinə qalsa bu xüsusiyyət hansı səhifədə olmağınız ilə bağlı daha dəqiq informasiya verirdi. Lakin hər bir şey dəyişdiyi kimi, Google şirkəti də öz axtarış sistemindəki səhifələr xüsusiyyətdən imtina etməyə hazırlaşır. Belə ki, Google rəsmi tviter hesabından bu gün paylaşılan məlumata görə axtarış sistemi səhifələr xüsusiyyətini “Davamlı Sürüşdürmə” yeniliyi ilə əvəzləyir.
“Davamlı Sürüşdürmə” xüsusiyyəti 6 ədədə qədər səhifəni birləşdirərək göstərməyə işə yarayacaq
Yenilik nə qədər “Davamlı Sürüşdürmə” xüsusiyyəti olaraq keçsə də sonsuzluğa qədər axtarış sistemində səhifələri yükləmək mümkün olmayacaq. Aydın məsələdir ki, performans baxımından eyni səhifədə yüklənən datalar çox ola biləcəyindən müəyyən bir limitin olması vacibdir. Buna görə də “Davamlı Sürüşdürmə” xüsusiyyəti maksimum 6 səhifə uzunluğunda məlumatı yükləyə biləcək.
Təbii ki, 6 səhifə belə həddindən artıq çox məlumatı özündə birləşdirir. İstifadəçilərin əksəriyyəti 3-4 səhifədən artıq yükləmədiyi üçün 6 səhifəlik məlumat yükləməyə demək olar ehtiyac qalmayacaq. Yox əgər məlumatlar sizin üçün kifayət deyilsə, bu zaman “daha çoxunu gör” deyə bir düymə “Davamı Sürüşdürmə” sisteminin sonunda qarşınıza çıxacaq.
Google şirkəti dəyişikliyi ilk olaraq ABŞ-də İngilis dilində axtarışlar üçün istifadə verib. Növbəti aylardan bu yenilik digər ölkələr və fərqli dillərdə axtarışlar üçün də aktiv ediləcək. Belə bir yeniliyin əsas məqsədlərindən biri də Google axtarış sistemində sayt sahiblərini yuxarı pillələrə qalxmağa məcbur etmək olacaq.
