Daim innovativ yenilikləri ilə gündəm olan Çin indi rəsmi olaraq dünyanın ən sürətli internetini təqdim edib. Qeyd edək ki, yeni internet şəbəkəsi ABŞ-dakı ən sürətli internetlərdən belə 3 dəfə sürətlidir. Ümumiyyətlə Çində belə bir internet şəbəkəsinin təqdim edilməsi gözlənilmirdir. Çünki, ABŞ-dakı internetin sürəti o qədər çox idi ki, yaxın 2 il ərzində bundan daha sürətli bir internetin ortaya çıxması heç də planlar daxilində deyildi. Lakin Çin ABŞ sanksiyalarına inad yeniliklərini təqdim etməyə və ABŞ-ı texnologiya sahəsində geridə qoymağa davam edir.
Beləliklə Çin dünyanın ilk yeni nəsil və ən sürətli internetini istifadəyə verib. Qeyd edək ki, yeni internet indiyə qədər çində mövcud olan internetin sürətindən 10 dəfə daha sürətlidir. 3000 kilometrdən çox ərazini əhatə edən şəbəkə geniş fiber-optik kabel sistemi vasitəsilə Pekin, Wuhan və Guangzhou-nu saniyədə 1,2 terabit (1200 giqabit) qoşulma sürəti ilə birləşdirir. İyul ayında işə salınaraq sınaqdan keçirilən bu şəbəkə indi rəsmi olaraq təqdim olunub. Singhua Universiteti, China Mobile, Huawei Technologies və Cernet Corporation arasındakı əməkdaşlıq nəticəsində əldə edilən bu nailiyyət saniyədə 1 terabit ultra yüksək sürətli şəbəkələrin 2025-ci ilə qədər yaranmayacağına dair ekspert proqnozlarını alt-üst etdi.
Dünyanın əksər internet magistral şəbəkələri saniyədə cəmi 100 giqabit sürətlə işləyir. Hətta Birləşmiş Ştatlar saniyədə 400 giqabit sürətə malik beşinci nəsil İnternet2-yə keçidi yenicə başa çatdırıb. Pekin-Wuhan-Guangzhou əlaqəsi 10 ildir işləkdir və milli Çin Təhsil və Tədqiqat Şəbəkəsinin (Cernet) son versiyası olan Gələcəyin İnternet Texnologiyası İnfrastrukturunun (FITI) mühüm hissəsini təşkil edir. Yeni internetin sürətini təxmin edə bilməyiniz üçün qeyd edək ki, saniyədə 150 yüksək təsvir ölçülü filmi eyni anda yükləmək olar.
