Samsung brendinin ötən aylarda təqdim etdiyi flaqman S23 Ultra modelinin istehsal xərci məlum olub. Ötən il təqdim edilən Samsung Galaxy S23 Ultra modeli həm kamera həm də prosessor performansı ilə uğur əldə etməyi bacarmışdı. Belə ki, ötən ilin ən çox satılan modellərindən biri olan yeni flaqman smartfonun istehsal xərcinin nə qədər olduğu ortaya çıxıb. Maraqlısı budur ki, flaqman modelinin istehsal xərci sələflərindən daha azdır. Yeni flaqman smartfon daha yüksək performanslı detallara sahib olsa da istehsal xərci S21 Ultra və S20 Ultra modellərindən daha azdır.
Qeyd edək ki, 1199$ başlanğıc qiyməti ilə təklif edilən Galaxy S23 Ultra modelinin istehsal xərci sadəcə 469$-dır. Counterpint mənbəsi tərəfindən aparılan araşdırma nəticəsində məlum olub ki, yeni flaqman smartfon sələflərindən daha az istehsal xərcinə sahibdir. Belə ki, ötən illərdə təqdim edilən Samsung Galaxy S21 Ultra və S20 Ultra modelləri müvafiq olaraq 533 dollar və 550 dollar istehsal xərcinə sahibdir. Xatırladaq ki, yeni flaqman smartfon 3088x1440p təsvir ölçülü və ya QHD+ adlandırdığımız 6.8 düymlük 1-120Hz arası adaptiv tezlikli Dynamic AMOLED 2X ekran paneli ilə təchiz edilmişdi. Həmçinin smartfon öz gücünü Snapdragon 8 Gen 2 alırdı.
Counterpoint mənbəsi iddia edir ki, Galaxy S23 smartfonun ən çox istehsal xərci məhz Qualcomm şirkətinə məxsusdur. Yəni Snapdragon 8 Gen 2 smarfonun ən bahalı hissəsidir. Lakin bundan əlavə Qualcomm S23 Ultra modelindəki səs elektronikası, güc idarəetmə çipi və barmaq izi sensorlarını da istehsal edir. Əslində istehsal xərcininin bu qədər çox olmasının tək səbəbi elə Qualcomm çipsetləridir. Məhz bu səbəbdən də Samsung əsasən Exynos çipsetlərindən istifadə etməyə üstünlük verir.
