Son ortaya çıxan məlumata görə, DNT analiz şirkəti Atlas Biomed’in topladığı DNT nümunələri ilə birlikdə yoxa çıxdığı məlum olub. Maraqlısı budur ki, Müştərilərin DNT nümunələrinə nə baş verdiyi barədə heç bir məlumatı yoxdur.
Mərkəzi ofisi Rusiyada olan və İngiltərədə xidmət göstərən Atlas Biomed adlı DNT analiz şirkəti müştərilərinə heç bir izahat vermədən qapılarını bağlayıb. Şirkətdən xidmət almış müştərilər onların həssas məlumatlarına nə baş verdiyi barədə heç nə bilmirlər. BBC şirkətlə əlaqə saxlamağa çalışsa da, heç bir əlaqə qura bilməyib. Ən sadə formada desək, Atlas Biomed bir test satırdı və bu testi edən insanların ətraflı DNT analizini edirdi. Analizlə hətta insanın xəstəliklərə qarşı həssas olması ortaya çıxırdı. Bundan əlavə, Atlas Biomed müştərilərinin istifadə etdiyi portal yararsız hala düşüb. Daha əvvəl sınaqdan keçmiş insanlar DNT analizinin nəticələrinə daxil ola bilmirlər.
Yaşanan hadisə müştəriləri qorxuya salıb. Çünki şirkətdə minlərlə insanın DNT nümunələri olduğu artıq hər kəsə məlumdur. Bu məlumatların yoxa çıxmasından sonra nə olacağı böyük bir sirr olaraq qalır. Habelə, Rusiya ilə Avropa arasında gərginlik artdıqca bu hadisənin nəticəsinin də ağır olacağı insanları narahat edir. Hələlik isə şirkət heç bir açıqlama verməyib və onların Avropada yer alan ofisi artıq fəaliyyət göstərmir.
