Çin mərkəzli China Three Gorges Renewables Group, ağlasığmaz dərəcədə güclü 8 Gvt günəş elektrik stansiyasının tikintisinin tezliklə başlayacağını açıqlayıb. 11 milyard dollar dəyərində olan nəhəng enerji mərkəzi digər obyektləri də əhatə edəcək və Pekin-Tianjin-Hebey regionuna xidmət göstərəcək. Meqa tikinti bu ilin sentyabrında başlayacaq və 2027-ci ildə başa çatacaq. Beləliklə, Çin yenidən enerji sektorunda dünyada rekorda imza atacaq.
![Çin 8 GVt günəş](https://tedroid.com/media/2024/07/cin-8-gvt-en-guclu-gunes-elektrik-1.jpg)
Yeni günəş elektrik stansiyasının miqyası haqqında təxmini fikir vermək üçün dünyanın üç ən böyük günəş fermasının hər birinin təxminən 3 GVt istehsal etdiyini bilmək kifayətdir. Yeri gəlmişkən, bunların hamısı Çində yerləşir. Ümumiyyətlə, Çin son dövlərdə enerji istehsalı tərəfində olduqca irəliləyib. Ölkə enerji istehlakının demək olar ki, tamamını özü qarşılaya bilir. Məhz yeni günəş elektrik stansiyası ilə də Çin enerji istehsalını tamamilə başqa səviyyəyə daşıyacaq. 8 Gvt gücündə dünyanın ən güclü günəş elektrik stansiyası Şimali Çin regionunda yerləşən Daxili Monqolustan bölgəsində tikiləcək. O, elektrik enerjisini ultra yüksək gərginlikli xətlər vasitəsilə istehlakçılara ötürəcək.
8 GW günəş enerjisi sahəsinə əlavə olaraq, layihə 4 GVt külək fermasının, 200 MVt günəş istilik enerjisi toplama kompleksinin və 4 GVt kömürlə işləyən elektrik stansiyasının yaradılmasını nəzərdə tutur. China Three Gorges Renewables 56%, və Inner Mongolia Energy Group 44% səhm payı ilə layihənin sahibləri olacaq. Qeyd edək ki, yeni elektrik stansiyası 2027-ci ilin iyun ayına kimi istifadəyə veriləcək.