Ağıllı saat və xüsusilə qolbaqları olduqca populyar olan Xiaomi yeni bir təqdimata hazırlaşır. İstifadəçilərdə isə Xiaomi dedikdə Mi Band seriyasının yeri ayrıdır. Belə ki, Xiaomi adını dəyişdiyi Smart Band seriyasını tamamilə dəyişdirməyi planlaşdırır. Tamamilə dəyişdirmək dedikdə, ağıllı saat fiziki olaraq özünü qorusa da istifadə məqsədləri baxımından xeyli fərqlənir.
Ənənəvi rezinli qayış quruluşu ləğv edilir. Şirkət bundan sonra qolunda rezin bir əşya daşıyırmış kimi hissiyatla üzləşmək istəməyən istifadəçilər üçün Smart Band 8 xüsusiləşdirmələr gətirir. Rahat imkanlar tanıyan Xiaomi şirkəti bundan sonra qolbağı günlük aksesuarınının parçasına çevirmək istəyənlər üçün istənilən tərzdə dizayn edilmiş kəmərləri ağıllı saata quraşdırmağa uyğun vəziyyətə gətirəcək. Yalnız zəncir variantı görülən boyunbağı istəyə görə dəyişikliklərə imkan yaradacaq.
Həttta bu xüsusiləşdirmələr o həddə çatıb ki, qayış quruluşu tamamilə ləğv edilə də bilər. İstifadəçilər saatı xüsusi qaba yerləşdirərək Xiaomi Smart Band 8 modelindən boyunbağı da düzəldə bilərlər. Qiyməti sələfi ilə müqayisədə sabit qalması gözlənilən ağıllı saat Xiaomi 13 Ultra təqdimatı çərçivəsində qarşımıza çıxacaq.
Texniki cəhətdən Smart Band 8 ağıllı saatının hansı yeniiklər gətirəcəyi bəlli deyil. Daha əvvəl ortaya çıxan məlumatlara görə cüzi daha qalın olacaq saat sanki, kəskin kənarlı və daha da optimallaşdırılmış ekran çərçivələri ilə qarşımıza çıxacaq. Xatırladaq ki, təqdimat 18 aprel üçün nəzərdə tutulub və saatın qlobal bazarda bir müddət sonra mövcud olması planlaşdırılır. Həmçinin, NFC dəstəkli variantının qlobal bazarda olması gözləniləndir.
