Flaqmana xas xüsusiyyətləri ilə HONOR X9c artıq rəsmi olaraq Azərbaycanda satışdadır. Gəlin, görək onu “flaqmana xas” edən məhz, hansı xüsusiyyətlərdir?
Orta səviyyəli smartfonların limitlərini yenidən müəyyənləşdirmək vaxtı çatıbsa, HONOR üçün yeni HONOR X9c modelini işə salmaq vaxtı çatıb deməkdir. Flaqman səviyyəli xüsusiyyətləri ilə sərfəli cihaz kimi təklif olunan bu smartfon davamlılıq, premium dizayn və qabaqcıl funksionallığın birləşməsi ilə seçilir. Qüsursuz istifadəçi təcrübəsini yüksək dayanıqlılıq ilə birləşdirən HONOR X9c münasib qiymətə ilk dəfə eşidəcəyiniz imkanlar gətirir.
Dizayn və Ekran: İlk baxışdan “premium” toxunuş
HONOR X9c həm vizual olaraq cəlbedici, həm həqiqətən çox parlaq, dizaynı ilə cəsarətli təəssürat yaradır. 6,78 düymlük AMOLED ekran cihazın ön hissəsində oval və minimalist çərçivəli görünüş təklif edir. 1,5K (2700 x 1224 piksel) təsvir ölçüsü ilə ekran canlı rənglər və kəskin vizual görüntülər yaradır.
Ekranı 120Hz yeniləmə tezliyi ilə fərqlənir. 4000 nit pik parlaqlığa sahib ekranla istifadəçilər hətta birbaşa günəş işığı altında da aydın və canlı görünən təcrübədən həzz ala bilərlər. Bu xüsusiyyət çox vaxt flaqman cihazlarda görnür. Bundan əlavə, HONOR-un 3840Hz PWM texnologiyasının inteqrasiyası uzun müddət istifadə zamanı göz rahatlığını artırır, titrəmələri azaldır.
Cihaz erqonomikanı təkmilləşdirməklə yanaşı, həm də daha immersiv baxış təcrübəsinə töhfə verən 3D əyri kənarları özündə birləşdirir. Dizayn forma və funksiyanallığı ilə HONOR X9c-ni öz seqmentində fərqləndirir.
Davamlılıq: Həyatın “çətinliklərinə” belə tab gətirəcək
HONOR X9c-nin həqiqətən fərqləndirən yer davamlılıqdır. SGS tərəfindən sertifikatlaşdırılmış cihaz gündəlik istifadədə qarşılaşacağınız ən qəliz ssenariləri idarə etmək üçün hazırlanmışdır.
Ekran 2 metrə qədər hündürlükdən düşməyə tab gətirmək üçün gücləndirilmişdir ki, bu da əvvəlki modellərə nisbətən xeyli irəliləyişdir. Bu möhkəmlik onun “IP65M” suya və toza davamlılıq dərəcəsi ilə tamamlanır. IP65-in sonundakı “M” diqqətinizi çəkdi? Bu hərf kiçik bir detal kimi görünsə də cihaz seqmentində ilk dəfə təzyiqli suya belə davamlılıq göstərən mühəndisliyə sahibdir.
Smartfon tamamilə su keçirməyən 3 qatlı, 360 dərəcə “yuyula bilən” gövdəyə sahibdir. Ənənəvi suya davamlı dizaynlardan fərqli olaraq, bu cihaz funksionallığını itirmədən axan suyun altında yuyula bilər. Bundan əlavə, ekranın toxunma həssaslığı nəmdən təsirlənmir və istifadəçilərə hətta yaş əllərlə belə cihazla problemsiz əlaqə saxlamağa imkan verir. Bu xüsusiyyətlər HONOR X9c-ni etibarlılığa və möhkəmliyə üstünlük verən istifadəçilər üçün əla seçim edir.
Performans və Batareya: Sinfində ən müasir batareya
HONOR X9c-nin mərkəzində performans və səmərəlilik arasında tarazlıq yaratmaq üçün nəzərdə tutulmuş Qualcomm Snapdragon 6 Gen 1 prosessoru var. İstər çox güdəlik istifadə, istər oyunlar, istərsə də yüksək keyfiyyətli məzmun izləmək üçün bu prosessor minimum gecikmə ilə rəvan işləməyi təmin edir. Hətta PUBG Mobile kimi oyunlarda 60+ FPS belə ala bilərsiniz. Cihaz iki konfiqurasiyada mövcuddur – 8 GB RAM + 256 GB yaddaş və 12 GB RAM + 256 GB yaddaş – müxtəlif performans ehtiyacları olan istifadəçiləri təmin edir. Belə böyük RAM həcmi, təbii ki, RAM Turbo xüsusiyyəti sayəsində mövcuddur.
HONOR X9c-ni həqiqətən yüksəldən isə onun batareya texnologiyasıdır. 6600 mAh silikon-karbon batareyaya sahib olan cihaz, aktiv qalma müddəti təmin edir. Bu, öz sinfindəki rəqibləri tərəfində müqayisə olunmayan bir üstünlükdür. Silikon-karbon tərkibi təkcə batareyanın ömrünü uzatmır, həm də ölçünü böyütmədən batareya tutumunu artırır. Cihazın incə profilini cəmi 7,98 mm və 189 qramda saxlayır. 66 Vt HONOR SuperCharge ilə istifadəçilər cihazı tez dolduracaq və bu böyük batareyanı doldurmaq üçün çox gözləməyəcəklər. Üstünlüklərinə yaxından baxsaq, həqiqətən maraq doğurur:
Batareya həmçinin, ağır yüklərdə belə cihazı sərin saxlayan istilik idarəetmə sistemləri ilə oyun və intensiv tapşırıqlar üçün optimallaşdırılıb. Həmçinin, HONOR X9c -30°C ilə 55°C arasında dəyişən ekstremal temperatur şəraitində etibarlı şəkildə işləyir, cihazın çox yönlülüyünü və dayanıqlığını vurğulayır.
Kamera sistemi: Orta seqmentdə “arzuladığınız” imkanlar
Telefon iki kamera obyektivinə malikdir: 108MP f/1.75 OIS+ EIS əsas kamera və 5MP f/2.2 geniş bucaqlı kamera
HONOR X9c kamera sistemi həm təsadüfi fotoqraflar, həm də gündəlik sosial media məzmunu yaradıcıları üçün nəzərdə tutulmuş 108MP Süni intelekt əsaslı Ultra Həssas Hərəkət Kamerası müstəsna aydınlıq və detal təklif edən obyektiv kimi xidmət edir. Süni intellektlə işləyən təkmilləşdirmələri sayəsində kamera hərəkət edən obyektlər və ya az işıqlı şərait kimi dinamik ssenarilərdə kəskin təsvirlər çəkməkdə üstündür.
Kamera həmçinin sensor səviyyəsində itkisiz 3x böyütməni dəstəkləyir, bu da istifadəçilərə keyfiyyətdə çox itki vermədən yaxınlaşdırma etməyə imkan verir. Bunu tamamlayan 5MP ultra-geniş kameradır ki, makro obyektiv rolunu oynayır. Landşaft çəkilişləri və yaxından çəkilişlər üçün çox yönlülük təmin edir. Ultra-həssas süni intellekt ilə HONOR X9c-nin kamerası eyni “Magic” seriyasına bənzər şəkildə hərəkətli səhnələrdə ani kadrları “salisəsində” çəkməyi reallaşdırır.
5MP ultra-geniş kameramız makro kamera funksiyasına malikdir. Çəkdiyiniz şəkillərdə istəmədiyiniz hissələri silmək belə X9c-nin AI Eraser funksiyası üçün heçnədir. Nəticədə orta səviyyəli smartfon üçün yetərli kamera imkanımız mövcuddur. Çəkilən görüntülər gündəlik istifadə üçün HONOR-un orta seqment bir smartfonundan gözlədiyimiz səviyyədədir.
Ön tərəfdə 16MP selfi, həmçinin Ambient Light sensoru mövcuddur.
Videolar 4K 30 kadr və ya 1080P 60 kadr sürətinə qədər çıxa bilər. Kamera digər HONOR seriyaları ilə eyni çəkiliş xüsusiyyətlərini dəstəkləyir. Kamera xüsusilə, 1x böyütmə rejimində işıqla yaxşı mübarizə aparır, rəng doyumunu artırır və şəkilləri daha cəlbedici edir.
HONOR X9c kimlər üçündür?
Smartfon həmçinin daha bahalı HONOR modellərindən gözlədiyiniz bütün MagicOS xüsusiyyətlərini ehtiva edir. HONOR X9c Android 14 əsasında MagicOS 8.0 əməliyyat sistemi ilə işləyir. Magic Capsule, Magic Portal, Magic Ring, AI Eraser, Multi-Window, Paralel Space kimi HONOR 200 Pro kimi bütün parlaq istifadəçi interfeyslərini dəstəkləyir.
Siz həmçinin HONOR 200 Pro-da olduğu kimi yüksək səslə parlaq musiqi təqdim edən 2 ədəd dinamik əldə edirsiniz. Bu isə səsi 300% səviyyəsində artırır. Nəticədə, münasib qiymətə premium təcrübə və davamlılıq sizin prioritetinizdirsə, HONOR X9c almalı olduğunuz modeldir.
HONOR, hər büdcəyə uyğun smartfon təklif edir. Gündəlik istifadə üçün X9c, rəqabətcil performas üçün 200 Pro, peşəkar istifadəçilər üçün Magic6 Pro və əsl biznes adamları üçün Magic V3 tövsiyə edərdik. HONOR X9c haqqında ətraflı məlumat üçün rəsmi Azərbaycan səhifəsinə daxil ola bilərsiniz.
