Jeff Renaud tərəfindən, Schulich Medical and Dental Communications üçün xüsusi olaraq hazırlanan tədqiqata görə oyun oynamaq əslində insanların düşündüyü qədər pis nəticələrə səbəb olmur. Belə ki, Genişmiqyaslı bir araşdırma, video oyunları oynamağın idrak qabiliyyətlərinizi artıra biləcəyini və idmanın psixi sağlamlığınızın yaxşılaşdırılmasında rol oynaya biləcəyini aşkar edib. Beləliklə, həftədə 5 saat oyun oynamaq beynin idrak performansını əhəmiyyətli səviyyədə artırır.
Qeyd edək ki, bu iddia Manchester Elm Festivalı üçün Western universiteti ilə Elm və Sənaye Muzeyi arasında olan əməkdaşlığı ilə aparılan Brain and Body tədqiqatının bir hissəsidir. Dünyanın hər yerindən 2000-dən çox iştirakçının iştirak etdiyi araşdırmada, iştirakçılardan bir həyat tərzi sorğusu doldurmaqları və ardınca yaddaş, diqqət, mühakimə və şifahi qabiliyyətlər kimi idrakın müxtəlif aspektlərini dəqiq ölçən Creyos onlayn beyin oyunların tamamlamaları xahiş edilib. Schulich Tibb və Stomatologiyanın Fiziologiya və Farmakologiya və Psixologiya Departamentlərində Koqnitiv Neyroelm professoru Adrian Owenin rəhbərlik etdiyi araşdırma göstərir ki, bütün tapşırıqları yerinə yetirən 1000-ə yaxın insan arasında video oyunları oynamağın zehni fəaliyyətə müsbət təsiri var.
Bununla belə, Ümumdünya Səhiyyə Təşkilatının (ÜST) təlimatlarına uyğun olaraq həftədə 150 dəqiqədən çox idman etmək zehni rifahı yaxşılaşdırsa da, idrak üzərində heç bir təsir göstərməmişdir. Eyni zamanda, Western Beyin və Ağıl Mərkəzinin tədqiqatçısı olan Owen bildirir ki, “Video oyunları oynamaq təkmil idrak qabiliyyətləri ilə əlaqəli idi, lakin daha yaxşı və ya pis psixi sağlamlıqla əlaqəli deyildi”. Tədqiqatın nəticələrinə görə, tez-tez video oyunları oynayan insanlar (bir növ oyun üçün həftədə beş və ya daha çox saat) orta hesabla 13,7 yaş kiçik insanlar kimi koqnitiv performans göstəriblər. Psixi sağlamlıq baxımından, həftədə 150 dəqiqə fiziki fəaliyyətlə bağlı ÜST tövsiyəsini yerinə yetirən və ya onu aşan iştirakçılarda depressiya əlamətlərinin olma ehtimalı 12 faiz, narahatlıq əlamətlərinin olmaması ehtimalı yüzdə 9 idi.
