Yeni araşdırma bədəndəki sinir və böyrək hüceyrələrində beyinə bənzər “yaddaş izləri”nin əmələ gəldiyini ortaya çıxarıb. Belə ki, araşdırma yaddaşın və öyrənmə proseslərinin yalnız beyinlə məhdudlaşmadığını aşkar edib.
Tədqiqat çərçivəsində ortaya çıxan məlumatlara görə, bədənimizdəki digər hüceyrələr də oxşar öyrənmə prosesini həyata keçirə bilər. Nyu York Universitetinin (NYU) tədqiqatçıları tərəfindən edilən bu kəşf yaddaş və öyrənmə problemlərinin müalicəsində əhəmiyyətli irəliləyişlərin əldə oluna biləcəyini göstərir. Tədqiqatçılar müəyyən ediblər ki, xüsusi kimyəvi stimullarla təkrarlanan davranışlar təkcə beyin hüceyrələrində deyil, bədənin digər hüceyrələrində də oxşar təsir yaradır. Aparılan təcrübələrdə sinir və böyrək hüceyrələrinin “kümülatif boşluq effekti” adlanan yaddaş formalaşma prosesinə oxşar reaksiya verdiyi müşahidə edilib. Bu təsir beynimizdəki neyronlar arasında güclü yaddaş izləri yaradan kimyəvi proses tərəfindən başladılır.
Araşdırma qrupu bu prosesin beyin hüceyrələrinə xas olmadığını və bədənin digər hüceyrələrində də eyni şəkildə işlədiyini bildirib. Xüsusi kimyəvi stimullarla aparılan təcrübələrdə yaddaşla əlaqəli genlərin aktivləşməsi müşahidə olunub. Tədqiqatçılar bu yeniliyin öyrənmə və yaddaşla bağlı xəstəliklərin müalicəsində mühüm addım ola biləcəyini vurğulayıblar. Hazırda isə tədqiqat qrupu bədəndəki hüceyrələrdə aşkar edilən bu “yaddaş izləri”ni daha dərindən araşdırmağa başlayıblar.
