Microsoft Windows 11 əməliyyat sistemi üçün bir çox yeni funksiyaları özündə birləşdirən daha bir yeniləməni istifadəyə verib. Bu yeniliklərdən ən əsası isə File Explorer-ə gələn xüsusiyyətlərdir. Şirkətin yeni əməliyyat sistemində File Explorer də bir neçə pəncərə arasında keçid etmək yeniliyi test olunurdu. Microsoft isə bunu tam olaraq inkişaf etdirib istifadəçilərin qarşısına çıxarıb. Ötən günlərdə şirkət yeniləmə ilə bu funksiyanı əməliyyat sisteminə əlavə edib.
Windows 11 yeni versiyasında hansı funksiyalara sahib olacaq?
Qeyd etdiyimiz kimi, yeni gələn fuksiyalardan ən əsası File Explorer tətbiqində rəsmi olaraq brauzerlərdəki kimi ayrı-ayrı pəncərələrdən istifadə edilməsidir. Belə ki, artıq bir neçə fayl qovluğunu açmaq mümkün olacaq. Əvvəllər isə siz bir pəncərədə yalnız bir fayl qovluğunu aça bilirdiniz və bu zaman əvvəlki fayl qovluqlarını pəncərdə görə bilmirdiniz. Yalnız yeni açdığınız fayl qovluğu pəncərədə görünürdü. Bu da birdən çox faylla işləyən insanlar üçün çətinliklər yaradır. Bundan əlavə OneDrive inteqrasiyasına sahib olan yeniləmə paylaşılan fayllardakı dəyişiklikləri və şərhləri izləməyə imkan verir. Bununla da Windows 11 əməliyyat sistemi indi tez-tez istifadə olunan hərəkətləri və faylları paylaşmaq üçün istifadəçilərə təklif edə bilər. Paylaşılan faylları isə siz təqviminizə, telefon nömrəinizə və e-poçtlarınıza əlavə edə bilərsiniz.
Eyni zamanda tapşırıqlar panelinə daha çox proqram əlavə edə bilərsiniz və “daşımaq” düyməsi sizə, bütün prosesi asanlaşdırmağa imkan verəcək. Yeniləmə təhlükəsiz olmayan versiyanı seçənlər üçün əlçatan görünsə də, gələn ay gələcək təhlükəsizlik yeniləməsi ilə birlikdə bütün istifadəçilər üçün əl çatan olacaq.
