Yeni nəsil Redmi Note 12 seriyası ilə bağlı ilkin məlumatlar internetə sızmağa başlayıb. Çinin tanınmış 3C sertifikatlaşdırma veb-saytında 3 yeni Xiaomi modeli qeydiyyata alınıb və cihazlarla bağlı yeni detallar üzə çıxıb. Sertifikatlaşdırılan 22101316C, 22101316UCP, 22101316UC model nömrələrinə sahib smartfonlar uyğun olaraq qarşıdan gələn Redmi Note 12 seriyasını formalaşdıraacaq. Ortaya çıxmış detallar göstərir ki, xüsusilə seriyanın ən üst nümayəndəsi olacaq Redmi Note 12 Pro + modeli bu seriyanın sahib olduğu potensialı əhəmiyyətli dərəcədə artıracaq.
Redmi Note 12 seriyası 210 Vt sürətli şarj, Dimensity 1300 çipseti və.s əldə edə bilər
Belə ki, Redmi Note 12 Pro + modeli sələfindəki 120 Vt sürətli şarj dəstəyini 210 Vt dəyərlərinə qədər artıra bilər. Sadə Redmi Note 12 və Redmi Note 12 Pro olaraq adlandırılacağı ehtimal edilən modellər isə 67 Vt və 120 Vt olmaqla hal-hazırda mövcud olan imkanlardan yararlanacaqlar. Redmi Note 11 Pro + modeli ilə müqayisədə digər bir vacib fərq isə performans cəhətdən yaranacaq. Ehtimallara Redmi Note 12 seriyası daxilində yenə Redmi Note 12 Pro + modeli Dimensity 1300 çipsetindən öz gücünü alacaq. Üstəlik bu seriyada da 108MP təsvir ölçülü kameralardan imtina edilərək, 50MP kamera sensoruna keçid ediləcək. Nəticədə məhz Redmi Note 12 Pro + modeli ən azından kağız üzərində Xiaomi 11T modeli səviyyəsində performans göstərəcək.
Redmi Note 12 seriyası ilə əlaqədar Çin təqdimatı oktyabr ayında baş tutacaq. Qlobal bazara gəlməsi isə mərhələli şəkildə yanvar ayından başlayaraq marta qədər uzana bilər. Eyni zamanda bu il ilə bənzər satış strategiyası tətbiq olunarsa Redmi Note 12 Pro + xaricində digər modellər qlobal bazar üçün müəyyən qədər dəyişdiriləcək. Xüsusilə Mediatek əsaslı Redmi Note 12 və Redmi Note 12 Pro modelləri Qualcomm çipsetləri ilə əvəzlənə bilər. Əlavə detallar və qeyd edilmiş detalların nə qədər doğru olduğu isə növbəti həftələrdə məlum olacaq.
