Xiaomi 11T seriyasının təqdimatından bir il keçərkən, Xiaomi 12T seriyasıynan bağlı bütün detallar sızdırılıb. Belə ki, həm Xiaomi 12T, həm də Xiaomi 12T Pro modellerinin texniki xüsusiyyətləri Winfuture.de resurs tərəfindən ortaya çıxarılıb. Həmçinin, Xiaomi 12T seriyası render görüntülərinə istinadən smartfonların necə görünəcəyi məlum olub. Gəlin cihazların xüsusiyyətlərinə və görüntülərinə nəzər salaq.
200MP kameraya sahib Xiaomi 12T seriyası yoldadır
Xiaomi 12T Pro smartfonu 6.67 düyümlük AMOLED ekran paneli ilə təchiz olunub. 120Hz görüntü yeniləmə tezlikli ekran, 1.5K təsvir ölçüsünə malikdir. Xiaomi 12T seriyasındakı ekran panelinin kənar çərçivələri də eyni zamanda öz sələfindən daha incədir. Smartfon öz gücünü Snapdragon 8+ Gen 1 çipsetindən alır. Xiaomi 12T Pro modelində Samsung şirkətinin 200MP ISOCELL HP1 kamera sensorundan istifadə olunub. Digər kamera sensorlarına baxdıqda 8MP ultra-geniş bucaqlı, 2MP makro sensorları görülür. Selfi kamerası isə 20MP təşkil edir. Yeni Smartfonumuzun 5000 mAs baterayası 120 Vt şarj dəstəkləyir. Xiaomi 12T seriyası arasında ən bahalı olacaq bu model 849 Avrodan başlayacaq.
Yeni Xiaomi 12T modeli Xiaomi 12T Pro medeli ilə eyni ekran panalinə sahibdir. Lakin Xiaomi 12T modelində Dimensity 8100 çipsetindən istifadə olunub. Xiaomi 12T Pro modelində işlədilən 200MP kamera isə 108MP təsvir ölçülü, lakin daha geniş F/1.65 diafraqmalı kamera ilə əvəz olunub. Yerdə qalan bütün detallar batareyadan tutmuş dizayna qədər tamamilə eynidir. Sadəcə çipset və əsas kamerasında dəyişiklik olan Xiaomi 12T modeli 649 avroya satışa çıxarılacaq. Eyni zamanda smartfonlara Android 12 üzərinə MIUI 13 interfeysi quraşdırılacaq. Smartfonların təqdimatı növbəti 2 həftə ərzində baş tutmalıdır. Smartfonlar barədə daha çox məlumat və canlı görüntüləri təqdimatdan sonra sizlərlə bölüşüləcək. Bəs siz bu cihazlar barədə nə düşünürsünüz? Fikirlərinizi rəylərdə qeyd edə bilərsiniz.
