StartupCentrum startapları, istedadları, investorları və inkubatorları bir araya gətirən rəqəmsal bir platformadır. Kaliforniya, San Fransisko mərkəzli və əsasında Türkiyə ekosisteminin parçası olan platforma ilk dəfə olaraq Azərbaycanda bu tədbir çərçivəsində iştirak edəcək. “Find Your Co-Founder” tədbirinin əsas məqsədi startap və investor ekosistemini vahid bir platformada bir yerə toplamaqdır.
“Find Your Co-Founder” tədbirinin təşkilatçıları qeyd edirlər ki, öz startapınız üçün partnyor və komanda yoldaşı axtarırsınızsa, startapların bir hissəsi olmaq istəyirsinizsə, startap ekosistemindəki digər insanlarla əlaqə qurmaq istəyirsinizsə, mentor, investor olaraq yeni startapları araşdırmaq istəyirsinizsə, StartupCentrum platformasının dəstəyi ilə keçiriləcək tədbirə qatıla bilərsiniz.
Bu tədbir Innoland inkubasiya və akselarasiya mərkəzi ilə əməkdaşlıqda tam olaraq 1 həftə sonra 31 avqust tarixində ASAN 7 nömrəli xidmət mərkəzində baş tutacaq. Saat 18:30-dan etibarən start götürəcək tədbir, 21:30-da tamamlanacaq. Lakin tədbirdə iştirak etmək üçün əvvəlcədən qeydiyyatdan keçməlisiniz. Qeydiyyat linki ilə səhifənin sonundakı keçiddən tanış ola bilərsiniz. Qeydiyyat və “Find Your Co-Founder” – Baku tədbirində iştirak tamamilə ödənişsizdir.
Keçiriləcək tədbirin agendasına 18:30 – 19:00 saatları arasında iştirakçıların qeydə alınması, 19:00 – 19:45 saatları arasında Speed Networking, 20:00 – 21:00 saatları arasında isə iştirak edən startapların təqdimatı aiddir. 21:30-a qədər isə Free Networking saatı başlayacaq ki, digər startap nümayəndələri, mentorlar və.s ilə azad üniyyət yarada biləcəksiniz.
Qeydiyyat məcburidir, iştirak etmək istəyirsinizsə aşağıdakı düyməyə toxunaraq qeydiyyatdan keçməyə tələsin!
