Gündən-günə daha da inkişaf edən Google şirkəti gecə çəkilişlərində süni intellekt vasitəsi ilə yeni bir dövr başlatmaq istəyir. Google mütəxəssislərinin üzərində işlədiyi, istifadəçilərin gecə çəkilişlərini rahat həyata keçirə bilməsi üçün nəzərdə tutulan yeni süni intellekt proqramı nümayiş etdirilib. Fotoşəkillər və ya videolar çəkərkən işıqlandırmanın yaxşı olması ən pis kamera ilə belə keyfiyyətli çəkiliş etməyə yaxşı şərait yaradır. Lakin, gecə çəkilişlərində fotoşəkillərdə parlaq rəngli ləkələr problem olaraq qalır. Google Araşdırma komandası, MultiNerf adlı süni intellekt layihəsinə yeni üsulla bu problemin həllini tapıb.
Texnologiya nəhəngi Google bu yaxınlarda DeepMind süni intellekt komandası tərəfindən tək bir fotoşəkildən 30 saniyəlik 3D videolar hazırlaya bilən süni intellekti elan etmişdi. Video və fotoşəkillər üzərində işləməyə davam edən mütəxəssislər RawNeRF adlı yeni süni intellekt proqramı ilə “gecə çəkilişi” infrastrukturunu tamamilə yeni səviyyəyə daşıyır. RawNeRF proqramı, qaranlıq və zəif işıqlandırma şəraitində çəkilmiş fotoşəkillərə daha yüksək səviyyəli keyfiyyət əlavə etmək üçün süni intellektdən istifadə edərək şəkilləri analiz edə bilir.
Layihəni yaradan komanda üzvləri bildirib:
RawNeRF süni intellekt proqramı görüntü keyfiyyətinin yüksəldilməsi baxımından digər vasitələrdən daha yaxşı işləyir.
Bu texnologiya xüsusi təlim keçmiş maşın öyrənməsi və süni intellekt sistemləri üzərində qurulmuşdur. Bu sistem vasitəsi ilə çəkilən fotoşəkillər daha təmiz və aydın olur. RawNeRF süni intellekt ilə hətta çox az işıqda çəkilmiş fotoşəkilləri yüksək ISO dəyəri ilə təmizləməyə kömək edir və saniyələr ərzində görüntü çirkliliyini düzəldir. Sistemin ən diqqət çəkən məqamı isə bunu görüntüdəki detalları qoruyaraq etməsidir. Tədqiqatçılar izah edirlər ki, RawNeRF süni intellekt proqramı şəkil və videolarda keyfiyyət problemini aradan qaldırmaq üçün fərqli perspektivlərindən çəkilmiş şəkilləri özündə birləşdirir. Hazırlanmış şəkillər üzərində istifadəçilər bucaqları, ekspozisiyaları, ton xəritələrini və fokusları daha da fərdiləşdirmə imkanı əldə edir. Texnologiyanın necə mükəmməl işlədiyini aşağıdakı videodan izləyə bilərsiniz.
Hal-hazırda araşdırma və inkişaf mərhələsində olan RawNeRF süni intellekt proqramının insanlara dünyanı daha yaxşı əks etdirməsi gözlənilir. RawNeRF süni intellekt proqramı haqqında nə düşünürsünüz? Fikirlərinizi rəylər bölməsində bizimlə paylaşa bilərsiniz.
