Dünyanın ən böyük video platformalarından biri olan YouTube tarixin ən böyük müəllif hüquqları pozuntusunu aşkar edib. MediaMuv media şirkəti YouTube platformasından qanunsuz olaraq 23 milyon dollar həcmində müəllif hüququ haqqı toplamaqda ittiham olunur. YouTube-da başqaları tərəfindən yüklənmiş musiqilər, həmin “media şirkəti” üçün yaxşı gəlir yerinə çevrilib. Lakin bu hal başqa insanların müəllif hüquqlarına böyük zərər vurmaqla nəticələnib. Məlum olub ki, bir çox musiqiçinin müəllif hüquqları illərdir bu şəkildə oğurlanıb.
MediaMuv media şirkəti Chenel Medina Teran və Webster Batista tərəfindən yaradılmışdır. Şirkətin müxtəlif latın musiqi və bəstələrin müəllif hüququna sahib olduğunu iddia edir. 2017-ci ildən bəri MediaMuv şirkətinin ümumilikdə sahib olduğu 50.000-dən çox musiqinin YouTube müəllif hüquqları ilə qazanc əldə etdiyi bildirilib. Qeyd edilir ki, MediaMuv şirkəti mahnıların özlərinə aid olduğunu sübut etmək üçün saxta sənədlər yaradıb və bu sənədləri AdRev-ə göndərib. Sonra isə AdRev, MediaMuv-a müəllif hüquqları ilə bağlı ödəniş almaqda kömək edib. Hətta, Teran və Batista YouTube platformasının məzmun idarə sisteminə birbaşa çıxış imkanı əldə ediblər ki, müəllif hüquqlarını AdRev olmadan özləri tələb ediblər. Beləliklə, YouTube müəllif hüquqları asanlıqla pozulub.
Teran və Batistanın dörd illik YouTube müəllif hüquqları oğurluğu IRS-in araşdırmasından sonra keçən ilin sonlarına doğru məlum olub. İkili elektron fırıldaqçılıq, saxta pul ticarəti və başqasının şəxsiyyəti ilə oğurluq kimi ümumilikdə 30 ittihamla üz-üzədirlər. Bütün bunlara baxmayaraq Teran özünün günahsız olduğunu açıqlayır. Batista isə planları necə həyata keçirdiklərinin təfərrüatlarını səlahiyyətlilərlə bölüşüb. Məhkəmənin nəticəsi maraqla gözlənilərkən, baş vermiş proses YouTube tarixinin qeydə alınan ən böyük fırıldaqçılıq halı hesab edilir.
