Qatlana bilən smartfon bazarı çox sürətlə inkişaf edir ki, uzaq olmayan gələcəkdə orta-üst seqment qatlanan modelləri görə bilərik. Belə ki, Samsung Mobile bölməsinin prezidenti TM Roh, şirkətin qatlana bilən smartfon bazarında ötən illərdə nələr qazandığından bəhs edib. 2020-ci il ilə 2021-ci ili müqayisə edən TM Roh yeni nəsil qatlana bilən cihazlara olan güvənin qat-qat artdığını bildirir. Bunu satış ədədləri cəhətdən də görmək mümkündür. Firmanın Galaxy Z Flip 3 və Galaxy Z Fold 3 seriyasına olan tələbat 2020-ci ildə satışa çıxarılan sələf modellərlə qarşılaşdırıldıqda 300% çox olub.
Samsung şirkəti qatlanan smartfon bazarına daha çox fokuslanacaq!
Samsung şirkətinin bu sektorda böyüməsinin ən böyük rolu Galaxy Z Flip seriyasından keçir. Həm ən güclü çipseti alması ilə, həm qatlananda kompakt olmasına görə, həm də Galaxy Z Fold seriyasından biraz ucuz olduğu üçün alıcıların diqqətini çəkməyi bacarır. Ümumilikdə Galaxy seriyası qatlana bilən modellərin satış ədədlərinin 70%-lik hissəsi Galaxy Z Flip 3 modelinə məxsusdur.
TM Roh-un sözlərinə görə Samsung 2021-ci ildə tam olaraq 10 milyon Galaxy Z seriyası smartfon tədarük edilib. Bu rəqəm isə 2020-ci illə qarşılaşdırıldıqda 300% artım deməkdir.
Samsung rəsmisi bu rəqəmləri dördüncü nəsil Galaxy seriyası qatlana bilən modellərin təqdimatından əvvəl bilərək açıqlayır. Xüsusilə Snapdragon 8+ Gen 1 çipsetinə olan yüksəltmələr və bəzi təkmilləşdirmələr firmanın bu seriyadan gələn qazanclarını daha da artıracaq. Qeyd etmək lazımdır ki, şirkətin Galaxy Z Flip 3 və Galaxy Z Fold 3 modellərinə fokuslandığı vaxtlarda Galaxy S21 FE modelindən belə imtina ediləcəyi deyilirdi. Lakin imtina edilməsə də gecikdirilərək bazara çıxarıldı. Bu il isə ola bilsin ki, həqiqətən Galaxy S22 FE modeli tamamilə ləğv ediləcək.
