2022-ci ildən 2025-ci ilə qədər 3 ən vacib startap trendi bunlardır və bu tendensiyaları müəyyən edən təməlqoyma şirkətləridir. Beləliklə, yeni bir iş qurmaq və ya birinə investisiya etmək istəyirsinizsə, səhiyyədən tutmuş onlayn proqram təminatı əsaslı platformalara (SaaS) qədər bunlar diqqətdə saxlanılmalı olan ən yaxşı tendensiyalardır.
1. “Biotech” startapların yeni dalğası!
Biotexnologiya sənayesi artıq 299 milyard dollar dəyərində qiymətləndirilir. Bu rəqəm qarşıdakı illərdə ciddi arta bilər, çünki DNT analizlərii daha da genişlənir və təkmilləşir. Son on ildə əcdadlarınız haqqında sizə məlumat vermək üçün qəribə testlər ortaya çıxıb. Ancaq tezliklə DNT analizləri gələcəyimiz barədə də xəbərçi rolunu oynayacaq.
2. Paylaşım iqtisadiyyatı yeni sektorlara açılır!
Paylaşım iqtisadiyyatının nə olduğunu anlamaq üçün ən yaxşı şey hansısa nümunəyə diqqət yetirməkdir. Belə ki, son 10 il ərzində şirkətlər haradasa toz toplayan aktivləri kapitallaşdıra biləcəklərini başa düşdülər. Nəticədə son on ildə ən böyük startap tendensiyalarından birinə səbəb oldu və paylaşma iqtisadiyyatı deyə bir tendensiya yarandı.
Məsələn, Airbnb ev sahiblərinə biraz əlavə gəlir gətirmək üçün siz evdən kənarda olarkən evinizi icarəyə verməyə şərait yaratdı. Bu, ənənəvi otel sənayesinə xeyli təsir etdi. Çünki, Airbnb bir çox səyahətçilər üçün daha ucuz və daha rahat seçim ola bilər. Gələcək sizdən buna bənzər fərqli startapların təməlini qoymağı tələb edir.
3. “Agile” inkişaf sadələşir!
Agile inkişaf, adaptiv və çevik planlaşdırmanı təşviq edən inkişaf metodologiyasıdır. Bu termin geniş bir anlayışı əhatə edir. Bir çox texnoloji startap trendi yavaş-yavaş adi təcrübəyə çevrilib. HBR bildirir ki, agile tərtibatçıların böyük bir hissəsi bu yanaşmanın stress və gərginlik yaratdığını düşünür. Scaled Agile Framework burada işə düşür. Praktikada bu, birdən çox komanda daxil olmaqla, mühitlərdə necə effektiv işləmək barədə daha çox təlimat deməkdir.
Növbəti 10 il ərzində ən məşhur startap trendi!
Növbəti onilliyə baxdıqda, xüsusilə paylaşma iqtisadiyyatı konsepsiyası, startaplar öz gücünü digər sektorlara genişləndirməyə çalışdıqca daha çox inkişaf edəcək. Uber-in keçmiş CEO-su Travis Kalanick tərəfindən qurulan Cloud Kitchens adlı yeni startap, indi yalnız çatdırılma edən restoranlar üçün hazırlanmış ortaq mətbəx məkanları konsepsiyası üçün yaxşı nümunədir. Bu çevik mətbəxlər ən yaxşı yerlərdə fəaliyyət göstərən qida bizneslərinə yeni qida tədarükü mərkəzi olma meqatrendindən faydalanmağa imkan verir. Lakin əhəmiyyətli dərəcədə az investisiya tələb olunur. Bu startap trendi nəticəsində bir çox böyük şəhərlərdə mətbəxləri olmayan restoranlar yaranır.
Əgər startaplarla bağlı məqalələr sevirsinizsə, Unicorn nədir? adlı məqaləmizi oxuya bilərsiniz!
