Yüksək qrafikalı oyun dedikdə çoxlarınızın ağlına yalnız PC oyunları gələ bilər. Təbii ki, bu çox normal haldır. Çünki, mobil oyunlara çönüb baxdıqda o qədər də yüksək keyfiyyətli qarfiklərə malik oyun tapmaq mümkün deyil. Lakin biz, sizin üçün maraqlı olacağını düşündüyümüz 5 bu tip mobil oyunu bir yerə toplamışıq. Bu 5 oyun sahib olduğu görüntü keyfiyyətinə görə sizlərə inanılmaz təcrübə, smartfonunuza isə biraz əziyyət yaşatmalıdır. Gəlin çox uzatmadan həmin oyunlara nəzər salaq.
GRID Autosport
5 oyun arasında ilk bəhs edəcəyimiz oyun GRID Autosport olacaq. Smartfonlarda oynaya biləcəyiniz ən detallı simulator təcrübəsinə və ən mükəmməl qrafiklərə sahibdir. Adətən həqiqi kompüter oyunundan çevrilmiş bir oyunu simulatorla oynayırmış hissiyatı yaradacaq. Bir mobil oyundakı ən realistik sürüş hissini bu oyunu sınaqdan keçirərək ala bilərsiniz. Lakin təəssüf ki, oyun üçün bütün tətbiq mağazalarında 10$ ödəniş etməlisiniz. Həm Google Play, həm App Store platformalarında mövcuddur.
Bright Memory Mobile
FPP, yəni birinci şəxsin gözündən oynanılan Bright Memory Mobile, internetsiz işləyən demo bir oyundur. Daim hər yeri titrəyən, dağılan, inanılmaz bir atmosferi ilə insana adrenalin yaşadan oyunun yüksək qrafikası smartfonlarınızı yetəri qədər gücə sala bilər. Təqribi 1 saatlıq hekayəsi ərzində müxtəlif döyüş kombinasiyalarını, effektləri və.s test edə bilərsiniz. Bu oyun da Google Play və App Store üzərində mövcuddur. Qiyməti 2$ təşkil edir.
Genshin Impact
Smartfonu əziyyətə salacaq 5 oyun deyiriksə Genshin Impact oyunu mütləq bu siyahıda olmalıdır. Çünki, bu oyun sintetik testlərdən sonra çipsetin yüksək stress altında işləməsi üçün ən effektiv qrafiklərə, oyun dünyasına sahibdir. Oyun açıq dünyaya sahibdir və daxil olduqdan sonra hər hansı bir yükləmə ekranı və.s olmadan geniş bir dünyanı kəşf edirsiniz. Gecə-gündüz dəyişimi, müxtəlif hava şəraiti, xarakterin dünyaya görə müxtəlif çətinliklər yaşaması (üşüyüb donması, yanması . . . ) kimi zəngin detallar oyunu ağırlaşdırır.
The House of Da Vinci 2
Bu oyun 100.000-dən çox insanın yüklədiyi və 95% üzərində müsbət rəy aldığı özünəməxsus qrafikləri və çətin tapmacalı hekayəsi ilə fərqlənir. Seriyanın ilk oyunu ilə müqayisədə xeyli inkişaf etdirilmiş bu oyun yüksək performansa malik smartfonlarda heyrətamiz görüntülər ortaya qoyur. Oyun həm App Store, həm Google Play üzərində 5$ qiymətə təklif olunur.
STELA / LIMBO
Bu 2 fərqli oyun, əslində smartfonunuzda oynamaqdan həzz ala biləcəyiniz qrafikləri ilə cihazı çox yormasa da sizə zövq verəcək oyun tərzinə malikdir. STELA oyununun əsas mənfi cəhəti yalnız iOS üçün nəzərdə tutulmasıdır. Konseptinə görə çox sinematik olan STELA bir qızın əsrarəngiz gəzintisində həyatda qalma macərasını bizlərə göstərir. Oyun müxtəlif atmosferlərdə canlanması ilə sizlərə xoş təsir bağışlayacaq.
LIMBO isə oxşar konseptdə bütün smartfonlarda oynaya biləcəyiniz ağ-qara dünyaya malik və xüsusi səsləri ilə valeh edən bir oyundur. Qrafikləri STELA qədər olmasa da alternativ kimi bu oyunu yoxlaya bilərsiniz. Oyunçuların bildirdiyinə görə xüsusuilə LIMBO oyununda həddindən artıq beyin işlətmək lazımdır. Lakin təəssüf ki, LIMBO oyunu yenə rəsmi olaraq 5$ qiymətə təklif olunur.
Oyunlar barədə siz nə düşünürsünüz? Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
