Çinin BBK qrupu daxilində fəaliyyət göstərən 2 böyük smartfon brendi OnePlus və OPPO brendləri gözlənilməz bir problemlə üzləşib. Belə ki, ötən ildən başlayaraq Nokia öz 5G və 4G (LTE) texnologiyalarının patentlərləri ilə bağlı çətinliklər yaşayırdı. Ümumilikdə 2 fərqli kateqoriyadan olan 14 patentə görə yaşanan çətinlik OPPO-a qarşı məhkəmə prosesinin başladılması ilə nəticələnmişdi. Nokia bu müddət ərzində 4 fərqli ölkədə 4G və 5G patentlərinə görə OPPO brendini məhkəməyə vermişdi. Gözlənilməz olsa da həmin ölkələrdən birində məhkəmə Nokia lehinə qərar verib. Başlıqdan da gördüyünüz kimi həmin ölkə Almaniyadır. Beləliklə OnePlus və OPPO brendlərinin məhkəmə qərarından sonra Almaniyadakı satışları bloklanıb.
OPPO və OnePlus Avropadakı əsas bazarını itirir
Nokia tərəfindən 5G infrastrukturunun qurulmasına təqribi 129 milyard dollar pul xərclənib. Lakin OPPO ilə yaşanan patent problemləri infrastrukturun planlaşdırıldığı kimi işləməsinə imkan vermirdi. Ona görə də 4 fərqli ölkədə, Almaniyada daxilində isə 5 fərqli məhkəmədə olmaq üzrə başladılan məhkəmə prosesi inanılmaz bir nəticə ilə sonlanıb.
Belə ki, Alman məhkəməsi, Nokia və OPPO arasındakı patent problemində Nokia şirkətinin patent iddialarının düzgün olduğunu təsdiqləyib. Digər bir tərəfdən Çin şirkətlər patentlərlə bağlı qanun pozuntusuna səbəb olduğu üçün ölkədən qadağan edilib. Ona görə də OPPO və OnePlus brendlərinə məxsus məhsulların rəsmi formada satılması hələ ki, dayandırılıb.
Nokia firması bu məhkəmə prosesini uduzacağı təqdirdə infrastrukturun inşası üçün qoyulan 129 milyard dollar məbləği itirəcəyi bildirilirdi. Ona görə də Nokia daha əvvəl Daimler və Lenovo kimi şirkətlərə məhkəmə prosesini qazandıran vəkillərlə işləyib. OPPO bu qərarla razılaşmayıb etiraz etsə də məhkəmə etirazı rədd edib. Qarşıdakı aylarda tərəflər məhkəmə yenidən toplana bilər, lakin həmin naməlum vaxtadək şirkətin Avropadakı əsas bazarlarından birini itirməsi yaxşı olmayacaq.
