Johnny Depp iki illik fasilədən sonra ilk filminə hazırlaşır!
Netflix və Johnny Depp arasında yeni müqavilə bağlanmış ola biləcəyi yöndə söz-söhbətlər gəzir.
Johnny Depp-lə Amber Heard arasındakı boşanma məhkəməsi məşhur aktyorun layihələrinin bir-bir ləğv edilməsinə səbəb olmuşdu. Lakin o, bütün dünyada səs-küy salan işin içində tapıldı. Hollivud ulduzu iki ildən çox müddət sonra yenidən Netflix ilə işləyəcək.
Johnny Depp Netflix-ə Kral XV Louis kimi qayıdır!
2020-ci ildə ekranlara çıxan Minamata (Netflix-də izlənilə bilər) filmindən sonra heç bir layihədə iştirak etməyən Depp məşhur boşanma prosesindən sonra ilk layihəsinə hazırlaşır. Bloomberg-in yazdığı hesabata görə Netflix məhkəmədən sonra öz proyektlərində Depp-ə də yer vermək qərarına gəlib.
Hollivud ulduzu və Netflix rəsmilərinin keçirdiyi yeni görüşdən müsbət nəticələr alındığı bildirilib. Onun “La Favorite” filmində Kral XV Louis obrazını canlandıracağı bildirilir. Bu xəbəri şirkət sözçüsü təsdiqləsə də, o, Netflix-in yeni filmi maliyyələşdirməyəcəyini söylədi.
Johnny Depp-in Kral XV Louis obrazını canlandırdığı filmi fransız prodüser şirkəti “Why Not Productions” istehsal edir. “La Favorite” filminin çəkilişləri bərpa olunduqdan sonra 2023-cü ildə ekranlara çıxacağı gözlənilir. Lakin ilk olaraq Fransanın kinoteatrlarında nümayiş olunacaq.
Film 15 aylıq gözləmədən sonra – 2024-cü ildə Netflix-ə gələcək, lakin yenə də yalnız Fransadakı istifadəçilər üçün əlçatan olacaq. Bizim nə vaxt izləyə biləcəyimiz isə hələ ki bəlli deyil.
Fransız İnqilabı zamanı baş verəcək hadisələrdən bəhs edən “La Favorite”də məşhur aktyorun şəriki fransız aktrisa Maïwenn Le Besco olacaq. Film Le Besco-nun canlandırdığı Jeanne Bécu-nun həyatından bəhs edəcək. Filmin heyətində Pierre Richard və Noémie Lvovsky kimi adlar da var.
Bəs Netflix və Coni Depp arasındakı buzların əriməsi haqqında nə düşünürsünüz? Fikirlərinizi şərh bölməsində bizimlə bölüşə bilərsiniz.
