Yeni bir araşdırma elm aləminə ağrıları azaltmaq üçün səslərdən necə istifadə edə biləcyini göstərib. Belə ki, beynəlxalq tədqiqatçılar beyinin müasir təsvir üsullarından istifadə edərək səsin ağrıları necə azaltdığını ortaya çıxarıblar. Araşdırmada aşağı tonlu səslərin yüksək tonlu səslərdən daha yüksək effektiv nəticə göstərdiyi məlum olub. Hələ 1960-cı illərdə Wallace Gardner adlı diş həkimi ağrıları azaltmaq məqsədi ilə səslərdən istifadə edilməsi ilə bağlı qeyri-adi məqalə dərc etmişdi. O, musiqidən ağrıkəsici kimi istifadə edərək 200-dən çox pasiyentin dişini çıxarıb. Hətta Wallace Gardner-in araşdırmasında “səs analjeziyası” adlandırılan üsuldan səkkiz digər diş həkiminin də yararlandığı qeyd edilib. Müasir beyin tədqiqatları isə səsin ağrıları azaltmaqda effektiv olduğunu göstərib.
Beyin və səsin ağrıları kəsmək üçün işləmə funksiyası sinir sisteminə bağlıdır
O vaxtdan bəri, bu üsul bütün dünyada tədqiqatçılar tərəfindən bir neçə dəfə araşdırılıb. Lakin beynin bu təsirləri necə yarada biləcəyi haqqında həqiqətən çox az məlumat var idi. Yeni tədqiqatın baş müəllifi Yuanyuan Liu isə əvvəlki tədqiqatlardan fərqli olaraq müasir təsvir üsullarının həqiqətən effektiv olduğunu təsdiqləyib.
Yeni tədqiqatda alimlər beyin və səsin necə əlaqədə olduğunu öyrənmək üçün birbaşa sinir sisteminə fokuslanıblar. Əvvəlcə tədqiqatçılar xoş klassik musiqinin necə ağrıkəsici xüsusiyyətlərə malik ola biləcəyi sınaqdan keçiriblər. Siçanların ağrının şiddətini yoxlamaq üçün pəncələrinə xüsusi məhlul vurulduqda, İohan Sebastian Bax Réjouissance adlı musiqi parçası çalınıb.
Fərqli təcrübələr zamanı musiqinin həcmi hər dəfəsi 5 db olmaqla artırılıb. Nəticədə “səs analjeziyası” effektinin otaqdakı səsin 45db həcmindən sadəcə 5db yüksək olan 50db səviyyəsində yarandığı məlum olub.
Daha sonra alimlər müxtəlif gurultulu, qulağa xoş gəlməyən 3 müxtəlif səsi də eyni səs səviyyələrinə uyğun olaraq test ediblər. Burda isə daha fərqli bir nəticə ortaya çıxıb. Alimlər test siçanında səs analjesiyasısının musiqiyə görə yox səs səviyyəsinə görə həyata keçdiyini öyrəniblər. Ən ideal nəticə otağın səs səviyyəsindən 5db yüksək olan səslərin çalınması zamanı özünü göstərib.
Alimlər daha dərin araşdırma edərək bu effektin mərkəzi sinir sistemi ilə bağlantılı Talamus bölgəsindən qaynaqlandığını öyrəniblər. Həm hiss edilən ağrılardan, həm beyindəki eşitmə qabığından gələn siqnallar talamus bölgəsindən keçdikdə “reseptor”-ların “ağrı siqnallarını” qəbul etməsindəki aktivlik azalır. Yəni elə düşünə bilərsiniz ki, 2 fərqi informasiya “tıxac yaradır” və ağrı hissiyatı daha az olur.
