İndiyə qədər nəhəng həcmli batareyaları əsasən Çinin aşağı səviyyəli telefon istehsalçılarında görürdük. İndi isə yeni batareya texnologiyaları sayəsində artıq həm nazik, həm də yüksək səviyyəli smartfonlara sahib olmaq mümkündür. Hətta Honor şirkəti bu dəfə 11000 mAs batareya həcminə sahib telefon hazırladığını elan edib.
Silikon-karbon batareyalarında uzun müddətdir əhəmiyyətli irəliləyişlər əldə edən Honor markası, qatlanan telefonlarında 7000 mAh səviyyəsinə çatıb və standart telefonlarında 10000 mAh tutumunu keçib. Şirkət hazırda 11000 mAh tutumlu telefon üzərində işləyir. Əldə edilən məlumata görə, Honor Power və ya Honor Win seriyasına daxil olacaq yeni telefon modelinin şirkətin ən yüksək batareya tutumuna malik telefonu olacağı gözlənilir. İncəliyi baxımından da təsirli olacaq modelin standart istifadə ilə asanlıqla üç gün davam edəcəyi təxmin edilir.
Təfərrüatlar hələlik aydın deyil, lakin gözlənilən xüsusiyyətlərə 6,8 düymlük AMOLED ekran, 8000 nit parlaqlıq səviyyəsi, 50MP OIS arxa kamera, yüksək səviyyəli Dimensity çipset, 80W sürətli şarj, LPDDR5X RAM və UFS 4.1 yaddaş daxildir.
