Süni intellekt dünyasına 100% təqaüdlə, yəni tamamilə ödənişsiz daxil olmaq və iş həyatınızı gələcəyin standartlarına uyğunlaşdırmaq şansı qapınızdadır!
Artıq gələcəyin ən vacib bacarığına sahib olmaq üçün maddi baryer yoxdur. İnnovasiya və Rəqəmsal İnkişaf Agentliyinin (IDDA) dəstəyi və PAŞA Holding-in sponsorluğu sayəsində Holberton School Azerbaijan-ın GenAI (Generativ Süni İntellekt) proqramına qoşulmaq mümkündür.
Məqsəd yerli kadrlarımızın qlobal rəqabətdə uduzmasını yox, məhz öndə olmasını təmin etmək. Holberton School qlobal təcrübəsini Azərbaycana gətirərək, ixtisasından asılı olmayaraq hər kəsə bu “rəqəmsal supergücü” qazandırmağı hədəfləyir.
Holberton GenAI proqramı sizə nə vəd edir?
Çoxları süni intellekti yalnız proqramçıların işi hesab edir. Lakin Holberton School Azerbaijan-ın GenAI proqramı bu stereotipi tamamilə qırır. Holberton-un fərqi onun məşhur “learning by doing” metodologiyasındadır. Burada sizə sadəcə quru nəzəriyyə yox, süni intellekti real layihələr üzərində işlətmək öyrədilir. Tam onlayn formatda keçirilən bu proqramda siz texnologiyanın dərinliklərinə enərək, aşağıdakı vacib alətləri mənimsəyəcəksiniz:
- Prompt Engineering: Süni intellektlə “danışmağın” dili. İstədiyiniz nəticəni almaq üçün AI-a doğru sual və tapşırıq verməyin peşəkar texnikalarını öyrənəcəksiniz.
- Şəxsi AI Asistentləri: Öz işlərinizi asanlaşdırmaq üçün məsələn, Telegram-da fərdi süni intellekt köməkçinizi yaratmağı və gündəlik rutinləri ona həvalə etməyi bacaracaqsınız.
- RAG (Retrieval-Augmented Generation): Bəlkə də ən vacib hissə. Süni intellekti sadəcə ümumi internet bilikləri ilə yox, məhz öz şirkətinizin sənədləri və dataları əsasında işləməyə “məcbur etməyi” öyrənəcəksiniz.
- Multimedia Sehrbazlığı: Yalnız mətnlə kifayətlənməyəcəksiniz. Proqram çərçivəsində mətndən musiqi, video və hətta 3D obyektlərin yaradılması kimi ən son texnologiyalarla tanış olacaqsınız.
“Mən proqramçı deyiləm” deməyin. Holberton GenAI proqramı texniki biliyi olmayan peşəkarların da rahatlıqla mənimsəyə biləcəyi şəkildə qurulub.
Həkim, müəllim, marketoloq, maliyyəçi və ya tələbə olmağınızın fərqi yoxdur. İstər xəstə tarixçələrini analiz etmək və ən son tibbi araşdırmaları sürətlə ümumiləşdirmək, istər hər şagirdə özəl tədris planları hazırlamaq və yoxlama prosesini avtomatlaşdırmaq, istər rəqib analizi aparmaq, kontent strategiyası qurmaq və.s üçün bu proqram GenAI təcrübələrini sizə qazandıracaq.
Holberton GenAI kurikulumu elə qurulub ki, texniki biliyi olmayan şəxslər belə addım-addım irəliləyərək peşəkar istifadəçiyə çevrilə bilsinlər. Bu günün dünyasında vaxt ən dəyərli resursdur. Proqram sizə saatlarla görülən işi bir neçə kliklə həll etməyin yollarını göstərir.
IDDA və PAŞA Holding dəstəyi ilə 100% təqaüd imkanı
Bəlkə də ən vacib xəbər budur. Gələcəyin əvəzolunmaz bacarığına sahib olmaq üçün IDDA və PAŞA Holding bu yükü sizin çiyninizdən götürür. Bu əməkdaşlıq, ölkəmizdə rəqəmsal savadlılığın artırılmasına və innovativ kadrların yetişdirilməsinə verilən böyük dəyərin göstəricisidir. Sizdən tələb olunan yeganə şey öyrənmək həvəsi və inkişafa açıq olmaqdır.
Süni intellekt sizin yerinizi almayacaq, amma süni intellektdən istifadə edən mütəxəssis sizin yerinizi ala bilər. Texnologiyanın arxasınca qaçan tərəf yox, onu idarə edən tərəf olun.
Elə indi müraciət edin və gündəlik iş rutininizi rəqəmsal inkişafın sürətinə uyğunlaşdırın.
