Texnologiya dünyası Apple-ın gələn il təqdim edəcəyi iPhone 17 seriyası, xüsusilə də Pro modelləri ilə bağlı gözləntilərlə doludur. Sızan məlumatlar və analitik proqnozlar, bu yeni nəsil smartfonların həm daxili, həm də xarici görünüşündə əhəmiyyətli yeniliklər və təkmilləşdirmələr gətirəcəyini göstərir.
iPhone 17 Pro modellərinin ürəyində Apple-ın ən yeni nəsil A19 Pro çipi dayanacaq. TSMC-nin üçüncü nəsil 3nm istehsal prosesi ilə hazırlanan bu yonga seti, əvvəlki nəsilə nisbətən həm performans artımı, həm də enerji səmərəliliyi vəd edir. Bundan əlavə, “iPhone 17 Air” də daxil olmaqla, bütün yeni Pro modellərinin 12 GB RAM ilə gələcəyi irəli sürülür. Bu artım, xüsusilə Apple Intelligence xüsusiyyətlərinin daha axıcı işləməsinə və çoxlu tapşırıq rejimində daha üstün performans göstərməsinə imkan yaradacaq.
Pro modellərdə artıq 12 MP yerinə 48 MP çözümlü Telefoto lens istifadə ediləcək ki, bu da optik zoom keyfiyyətini xeyli artıracaq. Maraqlıdır ki, optik yaxınlaşdırma nisbəti 5x-dən 3.5x-ə endirilə bilər. Apple-ın yüksək çözümlü lenslər sayəsində rəqəmsal kəsmə ilə 5x yaxınlaşdırmanı proqram təminatı ilə etməsi gözlənilir. Bu dəyişiklik portret çəkilişlərində daha təbii bir görünüş təmin etməyi hədəfləyir. Apple-ın uzun müddətdir test etdiyi 8K video qeydi özəlliyi, iPhone 17 Pro ilə nəhayət gələ bilər. Bütün arxa kameraların 48 MP olması bu özəlliyin donanım olaraq mümkün olduğunu göstərir.
İnsayderləə görə, yeni iPhone 17 Pro modelləri eyni anda həm ön, həm də arxa kameradan video qeydi edə biləcək. Bu xüsusiyyət xüsusilə kontent yaradıcıları üçün böyük rahatlıq təmin edəcək.
iPhone 17 Pro modelləri 6.3 düym və 6.9 düym ekran ölçülərini qoruyacaq, lakin arxa gövdə dizaynında əhəmiyyətli yeniliklər təqdim edəcək. Apple-ın titanyumdan imtina edərək alüminium çərçivəyə qayıtması gözlənilir. Cihazın arxa səthi isə “yarı şüşə, yarı alüminium” quruluşu ilə həm estetik, həm də davamlılıq baxımından yeni bir balans quracaq. Bu yapı, simsiz şarj dəstəyini qoruyarkən, xüsusilə düşmələrə qarşı daha az kövrək bir gövdə təmin edəcək. Sızan məlumatlara görə, Apple uzun illər istifadə etdiyi kvadrat formalı kamera modulunu tərk edərək, üfüqi yerləşdirilmiş düzbucaqlı bir kamera adasına keçə bilər. Lakin bu yeni düzülüşün iPhone-ların spatial video (məkan videosu) xüsusiyyətinə necə təsir edəcəyi hələ ki qeyri-müəyyəndir.
Bütün iPhone 17 modellərində 120Hz yenilənmə sürəti gözlənilir. Lakin Pro modelləri xaricindəki telefonlar bu özəlliyi məhdud şəkildə yaşayacaq; iPhone 17 və iPhone 17 Air 120Hz ekranlarla gəlsə də, bu panellər adaptiv yenilənmə sürətlərini dəstəkləməyəcək, yəni ekranlar 1Hz-ə qədər enməyəcək. Yeni modellərin Dynamic Island dizaynında daralma ola biləcəyi irəli sürülsə də, etibarlı mənbələr tərəfindən hələlik əhəmiyyətli bir dəyişiklik gözlənilmir. Həmçinin, yeni ekran şüşəsinin cızıqlara qarşı daha davamlı olacağı gözlənilir.
Apple-ın yeni nəsil flaqman telefonları – iPhone 17, iPhone 17 Air, iPhone 17 Pro və iPhone 17 Pro Max-in Sentyabr 2025-ci ildə təqdim edilməsi gözlənilir. Ənənə pozulmazsa, cihazlar eyni ayda ön sifarişə açılacaq və bir neçə həftə ərzində satışa çıxarılacaq.
