ChatGPT bütün istifadəçilər üçün söhbət ekranında süni intellektlə dəstəklənən vizual yaratma funksiyasını aktivləşdirib. Beləliklə, ChatGPT-ə tamamilə yeni bir xüsusiyyət gəlib.
Artıq söhbət ekranından birbaşa süni intellektlə vizual görüntülər yaratmaq mümkündür. Bundan əlavə, bu funksiya həm pulsuz, həm də pullu istifadəçilər üçün aktivdir. Şəkillər yaratmaq üçün artıq DALL E-ə keçməyə ehtiyac qalmayıb. Vizuallar birbaşa ChatGPT və Sora vasitəsilə hazırlana bilər. OpenAI, ChatGPT 4o modeli ilə istifadəçilərə birbaşa söhbət pəncərəsindən vizual görüntülər yaratmağa imkan verən yeni funksiya təqdim edib. Əvvəllər yalnız DALL E aləti ilə mümkün olan bu əməliyyat indi birbaşa ChatGPT interfeysi vasitəsilə həyata keçirilə bilər. Şirkət bu xüsusiyyətin həm pulsuz, həm də ödənişli planlarda istifadəçilərə təqdim edildiyini açıqlayıb.
Xüsusiyyətin gələn həftə korporativ və təhsil mərkəzli planlar üçün istifadəyə veriləcəyi paylaşılıb. OpenAI, AI tərəfindən yaradılan vizuallarda infoqrafika və diaqramlar kimi biznes yönümlü məzmuna üstünlük verəcəyini açıqlayıb. Qeyd edək ki, şirkət şəkillərdəki mətnin daha dəqiq və oxunaqlı şəkildə hazırlana bilməsi üçün mətn yaratma imkanlarını təkmilləşdirdiyini açıqlayıb. O, istifadəçilərin öz şəkillərini sistemə yükləyərək redaktə edə biləcəyini də paylaşıb. Bununla belə, OpenAI şəkillərin müəyyən hissələrinin redaktə edilməsində bəzi məhdudiyyətlərin olduğunu da bildirib.
