Son zamanlar böyük sürətlə inkişaf edən süni intellekt texnologiyaları daha çox bəşəriyyətə verəcəyi faydalara görə gündəmə gətirilir. Çünki həm dövlətlər, həm də şirkətlər ümumiyyətlə biznesin bu tərəfini vurğulamağa diqqət yetirirlər. Ancaq süni intellekt sahəsindəki bu partlayışın qaranlıq tərəfi də var ki, bu da indi özünü açıq şəkildə göstərməyə başlayıb. Əslində, bu həftə Pentaqon bu mövzuda bizi nələrin gözlədiyini açıqlayan bir açıqlama verib. Beləliklə, rəsmi Pentagon-un yeni ağlasığmaz planı tam avtonom “qatil robotlar”a investisiya etməkdir.
ABŞ Müdafiə Nazirliyi Pentaqon yaxın gələcəkdə döyüş meydanında avtonom robotlar yerləşdirməyi hədəfləyir. Yüksək səviyyəli Pentaqon rəsmisi Defense One-a deyib ki, onlar süni intellekt texnologiyalarını inkişaf etdirməklə deyil, onları avtonom qatil robotlara çevirməkdə maraqlıdırlar: “Biz süni intellektə investisiya etmək fikrində deyilik, çünki bunun nə demək olduğunu bilmirirk. Biz avtonom qatil robotlar üçün investisiya ayıracağıq”. Anonim danışdığı üçün bu mövzuda son dərəcə dürüst mövqe tutan Pentaqon ABŞ-ın süni intellektə və robotlara praqmatik yanaşmasını açıq şəkildə ifadə edir.
ABŞ kosmos proqramında olduğu kimi bu məsələdə də özəl sektora arxalanacaq və Ar-Ge mərhələsində əsas xərcləri onların etmələrini istəyəcək. Pentaqon bu sahədə diqqətəlayiq işlər görən şirkətlərə nisbətən kiçik sərmayələr qoyacaq və onlardan ilk prototiplərin hazırlanması üçün lazım olan maliyyəni təmin etmələrini istəyəcək. Bunu təmin edə biləcək şirkətlər öz prototiplərini hazırlayıb Pentaqona təqdim edəcəklər. Bu prosesin sonunda qalib layihəni təqdim edən şirkət yüksək gəlirli əməkdaşlığın əsasını qoymuş olacaq. Digər tərəfdən, Pentaqon böyük sərmayələr qoymadan çoxsaylı prototiplər arasında seçim etmək imkanı əldə edəcək.
