Samsung kitab tipli qatlana bilən flaqman smartfonu Galaxy Z Fold 7 üzərində işləməyə davam edir. Mövcud modeldən çox incə olacağı gözlənilən yeni Fold 7 modelini render görüntüləri ilk dəfə ortaya çıxıb. Android Headlines tərəfindən yayılan şəkillər, Galaxy Z Fold 7-nin hazırkı modellə eyni dizayn dilini saxladığını göstərir. Bucaqlı xətlərə sahib olduğu görülən smartfon üçlü kamera quruluşu ilə gələcək.
Render görüntləri ilə birlikdə deyə bilərik ki, Galaxy Z Fold 7, Galaxy Z Fold 6 və Galaxy Z Fold SE-ni geridə qoyaraq, 6,5 düymlük xarici ekrana və 8,2 düymlük daxili ekrana sahib olacaq. Smartfon həm də sələfindən xeyli nazik korpusa sahib olacaq. Belə ki, Galaxy Z Fold 7 açılanda cəmi 4,5 mm, qatlananda isə 9,5 mm qalınlığında olacaq. Qeyd edək ki, Galaxy Z Fold 6-da bu göstəricilər müvafiq olaraq 5,6 mm və 12,1 mm-dir. Bununla belə, keçən həftə təqdim edilən Oppo Find N5, 8,9 mm qalınlığı ilə Galaxy Z Fold 7-ni qabaqlamağa davam edəcək.
Smartfonun açıq vəziyyətdə 158,4 x 143,1 x 4,5 mm ölçüdə olacağı bildirilir. Xarici displeyin tərəf nisbəti haqqında məlumat olmasa da, onun sələfindən daha geniş ekrana sahib olacağı gözlənilir. Qatlana bilən smartfonlarla bağlı insanların ən çox şikayət etdiyi məsələlərdən biri də ekrandakı bükülmə “ləkəsi”dir. Samsung Galaxy Z Fold 7 ilə bu sahədə əhəmiyyətli irəliləyişlər edəcək. Şayiələrə görə, smartfonun ekranındakı qırışlar demək olar ki, görünməyəcək.
